ძლიერი წვიმა, ელჭექი და სეტყვა - როგორი ამინდია მოსალოდნელი საქართველოში

საზოგადოება - 12:46, 19 Jul, 2016

38465

მომდევნო დღეების განმავლობაში საქართველოში უამინდობაა ნავარაუდევი, გარემოს ეროვნული სააგენტოს ინფორმაციით,

19-20 ივლისს საქართველოში მოსალოდნელია წვიმა და ელჭექი. აღმოსავლეთ საქართველოში შესაძლებელია სეტყვა.იქროლებს დასავლეთის ძლიერი ქარი. ჰაერის ტემპერატურა დასავლეთ საქართველოში +23, +28° ხოლო აღმოსავლეთ საქართველოში +31, +36° იქნება.

21-24 ივლისს საქართველოში შენარჩუნებული იქნება არამდგრადი ამინდი, მოსალოდნელია წვიმა და ელჭექი, აღმოსავლეთ საქართველოში შესაძლებელია სეტყვა. ჰაერის ტემპერატურა დასავლეთ საქართველოში +25, +30° აღმოსავლეთ საქართველოში +29, +34° იქნება.

რაც შეეხება დასავლეთ საქართველოში მოსალოდნელ ამინდის პროგნოზს, გარემოს ეროვნული სააგენტოს გრძელვადიანი პროგნოზების ბიუროს ინფორმაციით, უმეტეს რაიონებში იქროლებს დასავლეთის ქარი 10-15 მეტრი წამში, ზოგიერთ რაიონებში ძლიერი, კერძოდ, შავი ზღვისპირეთში და კოლხეთის დაბლობზე 17-22 მეტრი წამში.დასავლეთ საქართველოში ჰაერის ტემპერატურა დღისით 24-29 გრადუსი იქნება.

დასავლეთ საქართველოში დღისით ჰაერის ტემპერატურა 29-31 გრადუსის ფარგლებში იქნება, ხოლო აღმოსავლეთ საქართველოს რაიონებში - 34-36 გრადუსის ფარგლებში. შავი ზღვის სანაპირო რაიონებში კი წვიმა 22-23 ივლისსაც არის მოსალოდნელი.

ქვეყანაში ცვალებადი ამინდი კვირის ბოლომდე შენარჩუნდება.