ნინო სურგულაძე ოპერის თეატრის სამხატვრო ხელმძღვანელად ინიშნება?

კულტურა - 14:40, 18 Jul, 2016

8907

ოპერის თეატრში ფორიაქი გრძელდება, როგორც ნიუპოსტისთვის გახდა ცნობილი სამხატვრო ხელმძღვანელის პოსტზე რამდენიმე კანდიდატს განიხილავენ. მათ შორის ნინო სურგულაძესაც.

როგორი უნდა იყოს ოპერის სამხატვრო ხელმძღვანელი და რამდენად დააკმაყოფილებს ნინო სურგულაძე იმ მოთხოვნებსა და მოვალეობებს რომელიც ამ პოსტზე ყოფნისას დაეკისრება? ამასთან დაკავშირებით ხელოვნებათმცოდნე კახი ლაზარიშვილი ნიუპოსტთან შემდეგ კომენტარს აკეთებს.

კახი ლაზარიშვილი, ხელოვნებათმცოდნე: "ოპერას დიდი ავტორიტეტის ხელნძღვანელი სჭირდება.გამოცდილი, ძლიერი, უკომპრომისო პიროვნება. იცით ეს რატომაა აუცილებელი? იმიტომ რომ თეატრში დასებს შორის წონასწორობა შენარჩუნდეს, ბალანსი არ დაირღვეს და მხოლოდ ბალეტი არ იყოს პრივილეგირებულ პოზიციაში.

რაც შეეხება ნინო სურგულაძეს. ვამბობ და მისი კოლეგებიც დამეთანხმებიან, რომ ნინო შრომისმოყვარე, მიზანდასახული, ბრწყინვალე ადამიანი და შესანიშნავი მომაღერალია! იგი, კეთილშობილურ საქმეს ჩაუდგა სათავეში, ბავშვების გადასარჩენად!

ოპერის თეატრის ხელმძღვანელობას დათანხმდება თუ არა? არ ვიცი, ეს მას უნდა ჰკითხოთ. ხოლო, თუ ჩემი აზრი გაინტერესებთ, გეტყვით, რომ მისი ფონდის საქმიანობით ნინოს გაცილებით მეტი მადლიერი ადამიანი ყავს და მომავალშიც ეყოლება, ვიდრე ოპერის თეატრის სამხატვრო ხელმძღვანელობით.

ნინო, საკმაოდ ჭკვიანი და გონიერი ქალბატონია, ჩვენ დიდი ხანია ვიცნობთ ერთმანეთს. მას სულ სწორი ცხოვრებისეული პრიოტიტეტები აქვს, ერთ-ერთი არის აკეთოს მეტი ქველმოქმედება და გადაარჩინოს მომავალი თაობის სიცოცხლე! ხოლო, თუ ის მომავალში მზად იქნება შემოქმედებითი კარიერა შეწყვიტოს და რომელიმე მმართველი პოსტი დაიკავოს, მე მას კულტურის მინისტრის პოზიციაზე უფრო წარმოვიდგენ!"