საქართველოდან თურქეთის მიმართულებით საზღვარზე გადასვლა შეზღუდულია, საჰაერო საზღვარი კი ჩაკეტილი

საზოგადოება - 10:30, 16 Jul, 2016

19753

თურქეთში სამხედრო გადატრიალების მცდელობის გამო საქართველოში თურქეთის მიმართულებით საზღვარზე გადასვლა შეზღუდულია, ხოლო საჰაერო საზღვარი დაკეტილი.
უფრო კონკრეტულად, საქართველოდან სარფის გავლით თურქეთში გადასვლა მხოლოდ თურქეთის მოქალაქეებს შეუძლიათ. თურქეთიდან საქართველოში შემოსვლა კი დაშვებულია როგორც საქართველოს ასევე, უცხო ქვეყნის მოქალაქეებისა და ყველა სახის სატრანსპორტო საშუალებებისთვის.
სარფში საქართველოს მოქალაქეები არიან შეკრებილები და საზღვრის გახსნას ელოდებიან.

ამასთან, თურქეთიდან ბათუმის მიმართულებით ფრენები გაუქმდა. სტამბულის ათათურქის აეროპორტიდან ბათუმის საერთაშორისო აეროპორტში რეისი დღეს 09:20 საათზე უნდა შესრულებულიყო, თუმცა თურქეთიდან რეისი არ განხორციელდა.

ბათუმის აეროპორტის ინფორმაციით, რეისი ბათუმიდან თურქეთის მიმართულებითაც გაუქმებულია. ფრენა 10:35 საათზე იყო დაგეგმილი.

ამ დროსითვის უცნობის განხორციელდება თუ არა შემდეგი რეისები.

თურქეთში გუშინ სამხედრო გადატრიალების მცდელობა იყო, არეულობის შედეგად 60 ადამიანი დაიღუპა. მათი უმრავლესობა სამოქალაქო პირები არიან. დაშავებულთა რაოდენობა კი 700-ზე მეტია.
თურქეთში ამ დროისთვის ვითარება მეტწილად კონტროლს ექვემდებარება.