ხვალ, 16 ივლისს, 13:00სთ-ზე საქართველოს ლატარიის კომპანიის ბეთინგ ცენტრში (მელიქიშვილის N16) ლოტოს 674-ე გათამაშების ჯეკპოტის გამრჯვებულს, რომან სარალიძეს კუთვნილი მოგება ოფიციალურად გადაეცემა.

მოგეხსენბათ, რომ მისმა იღბლიანმა ბილეთმა პირველ ივლისს, ლოტო 6/36 -ის გათამაშებაში პირველი კატეგორია ანუ ჯეკპოტი 2,077,529 ლარი მოიგო. მომგებიანი რიცხვების კომბინაცია შემდეგნაირად გადანაწილდა - 4 , 9 , 10 , 15 , 27 , 31.

ლოტოს წესების მიხედვით, ბილეთმა გაიარა ვალიდაციის პროცედურა, გამარჯვებულმა გახსნა პირადი ანგარიში ბანკში, სადაც ხვალვე ჩაერიცხება კუთვნილი მოგება.

საქართველოს ლატარიის კომპანია ასევე დააჯილდოებს იღბლიანი ბილეთის რეალიზატორს, ქ-ნ ლელია ცინცაძეს, რომელსაც საჩუქრად გადაეცემა ჯეკპოტის თანხის 2%, რაც 41,551 ლარის შეადგენს.

შეგახსენებთ, რომ საქართველოს ლატარიის კომპანია ექსკლუზიური უფლების მქონე ლიცენზირებული ოპერატორია, რომელიც საზოგადოებას ლატარიის სხვადასხვა თამაშობებს სთავაზობს. მათ შორის ლოტო 6/36, რომელიც ქვეყნის მასშტაბით უპრეცედენტოდ მაღალი თანხების მოგების შანს აძლევს საკუთარ მომხმარებლებს.