„მაგდამ მითხრა,ძაღლი ძალიან მაწუხებდა, ქინძისთავები ჩავუყარე პურში და მოვკალიო“

„მაგდამ მითხრა,ძაღლი ძალიან მაწუხებდა, ქინძისთავები ჩავუყარე პურში და მოვკალიო“– მახლხაზ ქაფიაშვილი

საზოგადოება - 13:24, 11 Jul, 2016

47110

მოკლული ომარ ქაფიაშვილის ძმა, მალხაზ ქაფიაშვილი, მაგდა პაპიძის მიერ თავისი ადვოკატისთვის გაგზავნილ წერილს ეხმაურება.

ქაფიაშვილის განცხადებით, "ლანა პაიძეს აქვს ჩემთვის ნათქვამი, მაგდამ მითხრა, ძაღლი ძალიან მაწუხებდა, ქინძისთავები ჩავუყარე პურში და ისე მოვკალიო". ამის შესახებ, გაზეთ “კვირის პალიტრასთან“ საუბარში ომარ ქაფიაშვილის ძმა აცხადებს.

“რისი თქმა უნდა ამ წერილით მაგდას, არ ვიცი, შეიძლება მინიშნებასაც აკეთებდა. ვითომ სიზმარს ყვება და შეფარულად ცდილობდა, რაიმე სამხილის გაქრობას, ვერ გეტყვით. იმ ადგილას რკინის კარადა დგას, რაც ეს კორპუსი აშენდა, მას შემდეგ, საეჭვო იქ ვერაფერი ვნახე. რაც შეეხება ბაგირას (ძაღლი), სწორედ მაგდამ მოკლა. ლანას აქვს ჩემთვის ნათქვამი, მაგდამ მითხრა, ძაღლი ძალიან მაწუხებდა, ქინძისთავები ჩავუყარე პურში და ისე მოვკალიო. ახლა კი აბრალებს ისეთ ქალს, რომელსაც ცხოველები ძალიან უყვარს და ქუჩის ძაღლებსაც კი აპურებს. რაც შეეხება სახლის უკან მდებარე ტერიტორიას, იმ ადგილებს თითქმის არავინ იყენებს, მეზობლებს აქვთ მიწები… იქ რა უნდა ენახათ, არ ვიცი, მაგრამ ფაქტია, ის რაღაცის მინიშნებას ცდილობს ამ წერილით. რაც შეეხება განაჩენს, სხვას არც ველოდი, ის მთელი ცხოვრება ციხეში უნდა იყოს. სხვა რა სასჯელი უნდა გამოეტანათ ქალისთვის, რომელმაც ასე სადისტურად დახოცა ქმარ-შვილი“?!- განაცხადა ქაფიაშვილმა.