"ლია შამუგია ქუჩაში დახვდა ქმარს და დანა გამოუსვა ყელში"- პაპიძეების ირგვლივ მორიგი სანდალია

საზოგადოება - 12:21, 11 Jul, 2016

41559

მაგდა პაპიძის დედამ ლია შამუგიამ ყოფილ მეუღლეს – ამირან პაპიძეს წლების წინ ყელი გამოსჭრა.
ამის შეხასებ „პრაიმტაიმს“ გორში, პაპიძეების მეზობლებმა უამბეს. გამოცემის ინფორმაციით, მეზობლები დებ პაპიძეებს დადებითად ახასიათებენ, თუმცა ამბობენ, რომ მათ მშობლებს კონფლიქტი ხშირად ჰქონდთ.

როგორც გამოცემამ გაარკვია, ამირან პაპიძემ ლია შამუგიას სახლში ასაფეთქებელი შეუგდო.
„მაგდაც და ლანაც კარგი ბავშვები იყვნენ. არანაირი აგრესია არ ემჩნეოდათ. თინეიჯერულ ასაკში გადავიდნენ თბილისში. მამამისთან ვერ რიგდებოდნენ, ცოტა ეჭვიანი კაცი იყო, რომ სვამდა, ხშირად ეჩხუბებოდა. კაცი სახლში რომ მოგივარდება და ასაფეთქებელს შემოგიგდებს, იმასთან როგორი ურთიერთობა უნდა გქონდეს“ – განაცხადა აპიძეების ყოფილმა მეზობელმა, კობა ფერაძემ.

დიანა კვიციანი კი აცხადებს, რომ ლია შამუგია ქუჩაში დახვდა მაგდა პაპიძის მამას და და დანა გამოუსვა ყელში.
"ერთხელ ლია შამუგია ქუჩაში დახვდა და დანა გამოუსვა ყელში, ძლივს გადარჩა კაცი, რამდენიმე ნაკერი ედო ყელზე. ამირანმა პოლიციიდან საჩივარი გამოიტანა, რადგან მაშინ ბავშვებიც პატარები იყვნენ და არ უნდოდა, მისი შვილების დედა საბოლოოდ გაეწირა. ჩემი თვალით მაქვს ნანახი ის, რასაც ახლა გეუბნებით. ყელგამოჭრილი ამირან პაპიძეც და ისიც როგორ გადმოვარდა სახურავიდან. არავის არ გადმოუგდია“, – განუცხადა „პრაიმტაიმს“ პაპიძეების ყოფილმა მეზობელმა.
ამირან პაპიძის მეორე მეუღლე, მარინა მელაძე ადასტურებს ინფორმაციას, რომ მაგდა პაპიძის დედის მიმართ გორის პოლიციაში გამოძიება იყო დაწყებული, მაგრამ საქმე „იმდროინდელი გავლენიანი პირების ჩარევით“ მიიჩქმალა.

„ლიას უკან იდგა გავლენიანი ხალხი. მაგან რამდენი ადამიანიც დაჭრა და რამდენსაც შეურაცხყოფა მიაყენა, გაარკვიეთ პოლიციაში. მაგ წლებში რა საქმეები აქვს გაკეთებული, ის მოიძიეთ. მე რომ გამომიძახეს პოლიციაში მაგის გამო, ვნახე დიდი საქაღალდე მის შესახებ, ცხოვრებაში მაგხელა საქაღალდე არ ინახავს, იმდენი რაღაც ჰქონდათ. ამირანი და ეგ ქალი ისე, უბრალოდ არ დაცილებულან, იყო შემთხვევა, რაზეც არ მსურს საუბარი, თუმცა თავად თქვას, რა მიზეზით გაიქცა გორიდან, რას მალავდა“– განაცხადა მარინა მელაძემ.