ადიდებულმა მდინარე თოშამ დუშეთის რაიონის სოფელ ლაკათხევში მისასვლელი გზა წაიღო. მდინარე სავალ გზაზე მოედინება, ამის გამო სოფელში გადაადგილება შეზღუდულია.

სოფელში რამდენიმე კვირაა ლაკათხევის ახლოს მდებარე სოფელი სეფე ხიდის ჩანგრევის გამო, თითქმის მოწყვეტილია სხვა დასახლებულ პუნქტებს.

ადგილობრივების განცხადებით, შემოვლითი გზა არსებობს, მაგრამ ეს გზა ძალიან შორია, შესაბამისად, მოსახლეობისთვის უსარგებლო. მოსახლეობა ადგილობრივი ხელისუფლების უყურადღებობაზე საუბრობს და დახმარებას ითხოვს.

დუშეთის გამგეობაში აცხადებენ, რომ სამუშაოები რამდენიმე დღეში, წვიმიანი ამინდების დასრულების შემდეგ დაიწყება.