ხაშურის მუნიციპალიტეტის გამგეობის ორგანიზებით, მეწარმეობის განვითარების სააგენტომ ხაშურის მუნიციპალიტეტის მოსახლეობისთვის პროგრამის „მიკრო გრანტები მთისგანვითარებისთვის” პრეზენტაცია გამართა. სააგენტოს წარმომადგენლის ირინე გიორგიძის თქმით „მიკრო გარანტები მთის განვითარებისათვის“ არის ახალი პროექტი, რომელიც მეწარმეობისგანვითარების სააგენტომ შეიმუშავა მთის განვითარების ეროვნულ საბჭოსთან თანამშრომლობით.

პროექტი საშუალებას იძლევა მაღალმთიან სოფლებში ბიზნესის განვითარებისთვის მოსახლეობამ სახელმწიფოს მხრიდან მიიღოს 5 000-დან 15 000 ლარამდე თანადაფინანსება და საკუთარსაცხოვრებელ ადგილზე წამოიწყოს ბიზნესი, რაც ზოგადად მთის შემდგომ განვითარებას შეუწყობს ხელს.

შეხვედრაზე, რომელსაც ადგილობრივი ხელისუფლების წარმომადგენლები და ხაშურის მუნიციპალიტეტის მოსახლეობა ესწრებოდა, სააგენტოს წარმომადგენელმა ყურადღება პროგრამისმნიშვნელობასა და სარგებლიანობაზე გაამახვილა და მოუწოდა ხაშურის მუნიციპალიტეტის მაცხოვრებლებს მონაწილეობა მიიღონ 27 ივნისიდან 29 ივლისის ჩათვლით სახელმწიფო პროგრამა -„აწარმოე საქართველოში“.

დაინტერესებულ პირებს შეუძლიათ წარადგინონ საკუთარი ბიზნეს იდეები ვებგვერდზე www.qartuli.ge და საქართველოს ეკონომიკისა და მდგრადი განვითარების სამინისტროს მეწარმეობისგანვითარების სააგენტოს დახმარებით წამოიწყონ საკუთარი საქმე მთაში.