მარიამ ხაჭვანი: „მე მოვითხოვ, როცა კინოცენტრში პროექტს შევიტან, ჟიურის ყველა წევრი იყოს თავისი საქმის პროფესიონალი. უნდა ესმოდეს თანამედროვე კინო და სტანდარტები. იმაზე კარგად უნდა ერკვეოდეს ყველაფერში ვიდრე ვერკვევი მე, ან ჩემი დონის ცოდნა და გამოცდილება მაინც უნდა ჰქონდეს. უნდა იყოს წარმატებული დღეს. ისიც უნდა იცოდეს, რომ კონკურსზე შეტანილი სცენარი საბოლოო არ არის და ყოველდღიურად ვითარდება უკეთესობისკენ. სცენარი მარტო დიალოგებით არ უნდა შეაფასოს, არც სათაურით, არც მართლწერით, უნდა მიხვდეს პოტენციალი აქვს თუ არა სცენარს, მეტი არაფერია მისგან საჭირო.
უნდა ესმოდეს, რამხელა შრომა და ნერვები სჭირდება კინოს და თუ არ შეუძლია სწორი შეფასება პასუხისმგებლობა არ უნდა აიღოს!
ჯიბრში არავის არ უნდა ჩაუდგეს, ჟიურის წევრებს ყველა პროექტის ავტორისადმი დადებითი დამოკიდებულება უნდა ჰქონდეთ.
უნდა იყოს ო ბ ი ე ქ ტ უ რ ი!!!
არ უნდა აარჩიონ ის ჟიურის წევრები, რომლების მიერ არასწორად შეფასებული პროექტები არ შედგა.
მე უნდა ვენდობოდე ყველა ჟიურის წევრს და წაგების და მოგების შემთხვევაში კი არ უნდა ვაპროტესტებდე, უნდა მჯეროდეს მათი!
ერთ მაგალითს მოვიყვან, როდესაც ჩემი პროექტი"დედე" კინოცენმტრში პირველად შევიტანე კონკურსზე, დაბალი შეფასება არ მიმიღია, მაგრამ მეორე ტურშიც ვერ გადავედი, დავინტერესდი ჟიურის წევრების შეფასებით და პირველად მაშინ შევხდი ვოვა კაჭარავას, ის ჟიურიში იყო, როდესაც ვოვას უარყოფითი შეფასება მოვისმინე კი არ გავბრაზდი, პირიქით, იმდენად ზუსტი შეფასება მითხრა, იმ დღის მერე გადავწყვიტე, ან ვოვა იქნება ჩემი პროდუსერი ან არავინთქო.
ამით იმის თქმა მინდა, რომ ასეთი ზუსტი ახსნა უნდა ჰქონდეს პროეტქზე უარის შემთხვევაში ჟიურის წევრებს და თუ ჩვენშია რამე პრობლემა გამოსწორებაზე და განვითარებაზე ვიფიქრებთ და არა გაპროტესტებაზე.
ამით არც ჩვენ დავზარალდებით და არც სახელმწიფო ბიუჯეტს დავაზარალებთ, !
პატივისცემით-მარიამ ხაჭვანი