რა ინციდენტი შეემთხვა გიორგი ჯიქიას სპექტაკლის დროს

რა ინციდენტი შეემთხვა გიორგი ჯიქიას სპექტაკლის დროს - ,,თამაში ეტლით მომიწევს"

კულტურა - 14:27, 03 Jul, 2016

3822

„თავისუფალი თეატრის“ მსახიობი გიორგი ჯიქია, კიდევ ერთხელ მოექცა ყურადღების ეპიცენტრში. გუშინ, სპექტაკლის „მექანიკური ფორთოხალის“ მიმდინარეობის დროს, მოულოდნელად სცენაზე ფეხი იღრძო და წარმოდგენის გაგრძელება ტრამვირებულს მოუწია. დღეს კი, 3 ივლისს სეზონის დახურვაა და იმის გამო, რომ ყველა ბილეთი გაყიდულია, გიორგის ტრამვირებული ფეხით მოუწევს თამაში. ეს კი გახლავთ სპექტაკლი „ხომ ხოცავენ ქანცგაწყვეტილ ცხენებს“.
„ნიუპოსტი“ გიორგის დაუკავშირდა და მისგან ამ ყველაფერთან დაკავშირებით კომენტარი ითხოვა: „ერთერთი სცენის დროს უნდა წამოვმდგარიყავი და მოულოდნელად ფეხი გადამიტრიალდა, რამაც მყესების არასრული ჩაწყვეტა გამოიწვია, მაგრამ სპექტაკლი ბოლომდე ვითამაშე კოჭლობით. გული მიმდიოდა ტკივილისგან, თან მონოლოგები მქონდა მაგ დროს. სპექტაკლის შემდეგ ფეხი თაბაშირში ჩამისვეს, რომლის ტარებაც ორიდან სამ კვირამდე მომიწევს. ტკივილები დღესაც მაქვს, მაგრამ სპექტაკლი დღესაც უნდა ვითამაშო, რადგან ყველა ბილეთი გაყიდულია. ფეხის გამო თამაში ეტლით მომიწევს. სპექტაკლამდე რეპეტიციას გავივლით, რომ გადავაკეთოთ რაღაცნაირად“-განუცხადა გიორგი ჯიქიამ „ნიუპოსტს“.