”მაესტროს” 27 გათავისუფლებულ თანამშრომელს ტელეკომპანიის წინააღმდეგ სარჩელი შეაქვს

საზოგადოება - 16:07, 01 Jul, 2016

1148

“ბიზნესკონტაქტისა” და “საქმიანის დილის” გუნდი ტელეკომპანია ”მაესტროს” წინააღმდეგ დავას სასამართლოში გააგრძელებს. ჟურნალისტები მაესტროსგან ფინანსური დავალიანების დაფარვას მოითხოვენ.

მათი თქმით, ტელეკომპანიის ახალმა ხელმძღვანელობამ მათ ჯერ უფლებამოსილება შეუჩერა, 6 ივნისს კი სამსახურიდან გაათავისუფლა.

ბიზნეს კონტაქტისა დასაქმიანი დილის ინტერესებს პროფკავშირების იურისტი დაიცავს.

ადვოკატი აცხადებს, რომ შპს ”მაესტრომ” რამდენჯერმე დაარღვია ზეპირსიტყვიერი შეთანხმება, რის გამოც, ერთადერთ გამოსავლად სამართლებრივი დავა რჩება.

გათავისუფლებული ჟურნალსტების განცხადებით, "ბიზნესკონტაქტისა" და "საქმიანი დილას" გუნდი (27 თანამშრომელი) გასული ერთი თვის განმავლობაში პერმანენტულად ცდილობდა არხის მენეჯმენტთან შეთანხების მიღწევას და სასამართლოსთვის გვერდის ავლით პრობლემის მოგვარებას, თუმცა ტელეკომპანიის ხელმძღვანელობამ შეთანხმებაში ჟურნალისტებისტვის მიუღბელი პირობები ჩადო.
ცნობილია მაესტროს ოფიალური პოზიუციაც - ტელეკომპანია საქმის განხილვის დასრულებამდე "ბიზნესკონტაქტისა“ და „საქმიანი დილას“ თანამშრომლების მოთხოვნის დაკმაყოფილებაზე უარს ამბობს. "მაესტროდან წასვლა ამ ადამიანებმა თავად გადაწყვიტეს. მე ახლა ხელში მიჭირავს მათი კოლექტიური განცხადება წასვლაზე. მათვე გადაწყვიტეს რომ ამას პროვოკაციული ფორმა მისცემოდა. თუმცა ფაქტია, რომ ამ გადაწყვეტილებით მაესტროს სერიოზული ფინანსური ზიანი მიადგა. სტუდია მაესტროს პოზიცია ამ ეტაპზე შემდეგია: ვინაიდან გვაქვს შემხვედრი ფინანსური პრეტენზიები, საქმის არსობრივ გარკვევამდე, უარს ვაცხადებთ მათი მოთხოვნების დაკმაყოფილებაზე“ - განაცხადა მაესტროს საზოგადოებასთან ურთიერთობის სამსახურის წარმომადგენელმა მერი კარტოზიამ.