ქმრისა და მცირეწლოვანი შვილის განზარხ მკვლელობის ბრალდებით დაკავებული მაგდა პაპიძის სასამართლო პროცესზე განსასჯელის ბიძაშვილს ლიანა შამუგის კითხავენ.

როგორც მოწმემ სასამართლოზე თქვა, პაპიძის დედამთილს რძლის მიერ ჩადენილი მკვლელობის ვერსიის არ სჯეროდა.

შამუგიას განცხადებით, მაშინ როცა ის გორიდან თბილისში ჩამოვიდა მამა-შვილის ცხედრები ჯერ მისვენებული არ იყო.

პაპიძის ნათესავის მტკიცებით, დაკითხვიდან დაბრუნებულმა დარეჯანმა თქვა, რომ მაგდა პაპიძეს თბილი ტანსაცმელი, ინსულინი სჭირდებოდა და უნდა მოეძებნათ.

"ოთახში სისხლის ან რაიმე სპეციფიური სუნი არ იყო, არადა მე განსაკუთრებული დამოკიდებულება მაქვს სუნების მიმართ. რომ ყოფილიყო ვიგრძნობდი. არც მეზობლების მხრიდან დაფიქსირებულა კედელზე სისხლი. ვინმემ თუ დაინახა სისხლი ოთახში, რატომ არ მიმითითა რომ სისხლი იყო. არც დივანს არანაირი სისხლის კვალი არ ეტყობოდა. მეზობლებისაგან ისმოდა, რომ აბა, სხვა ვინ ჩაიდენდა დანაშაულს, თუ არა მაგდა. დარეჯანი კი ამბობდა, რას ჰქვია მაგდაო. მაშინ დარეჯანი ვერ იჯერებდა", - განაცხადა მოწმემ.

მაგდა პაპიძის პროცესი მედიისათვის გაიხსნა, მანამდე ორი დღის განმავლობაში პროცესზე მედიას არ უშვებდნენ, რადგან უშუალოდ მაგდა პაპიძეს კითხავდნენ.