14 ივლისს კომპანია Business Georgia მასშტაბურ ბიზნეს ფორუმს „მედია ინდუსტრია 2016“ გამართავს

საზოგადოება - 18:02, 30 Jun, 2016

1701

14 ივლისს, სასტუმრო Courtyard Marriott-ში, კომპანია Business Georgia გამართავს მასშტაბურ ბიზნეს ფორუმს „მედია ინდუსტრია 2016“.

საქართველოში პირველი ფორუმი მედია ინდუსტრიის თემაზე წარმოადგენს პლატფორმას ქართველი და უცხოელი მედია და ბიზნეს ლიდერებისათვის, სადაც ექსპერტები განიხილავენ, როგორც ქვეყანაში მიმდინარე კონკრეტულ მედია გამოწვევებს თუ შესაძლებლობებს, ასევე საერთო ბენეფიტებს მედიასა და ბიზნეს შორის.

ფორუმის სპიკერებს შორის იქნებიან მედია ექსპერტები და ბიზნეს ლიდერები, მთავრობისა და არასამთავრობო სექტორის წარმომადგენლები. პანელური სესიების მსვლელობისას შეფასდება თანამედროვე მედია ინდუსტრია საქართველოში, გამოვლინდება გამოწვევბი და შესაძლებლობები, ასევე შედგება დისკუსია მედიისა და ბიზნესის საერთო ინტერესებთან დაკავშირებით.

ბიზნეს ფორუმის საშუალებით ერთ სივრცეში შეიკრიბება 400-მდე სტუმარი სხვადასხვა სექტორიდან. მათ შორის წარმოდგენილი იქნება მედია კომპანიები, ბიზნეს კომპანიების ხელმძღვანელები, გამომცემლობები, მედია სტარტაპები, სარეკლამო კომპანიები, PR პროფესიონალები, ხელისუფლების ორგანოები, პარლამენტის წევრები, დიპლომატები, საერთაშორისო ორგანიზაციები, არასამთავრობო ორგანიზაციები და კერძო ინვესტორები.