ჰაერის დაბინძურების მაჩვენებლით საქართველო პირველ ადგილზეა

ჰაერის დაბინძურების მაჩვენებლით საქართველო პირველ ადგილზეა - IEA

საზოგადოება - 12:16, 28 Jun, 2016

6900

საერთაშორისო ენერგეტიკულმა სააგენტომ (IEA) მსოფლიოში ჰაერის დაბინძურების შესახებ 2016 წლის ანგარიში გამოაქვეყნა, რომელიც 2012 წლის მონაცემებს ეყრდნობა და რომლის თანახმადაც, საქართველო პირველ ადგილზეა.

დოკუმენტის თანახმად, საქართველოში ჰაერის დაბინძურების გამო ყოველი 100 ათასიდან 290 ადამიანი იღუპება; ჩინეთში კი - ყოველი 100 ათასიდან 170 .

ანგარიშიც თანახმად, ყოველწლიურად მსოფლიოში ჰაერის დაბინძურებით გამოწვეული დაავადებების გამო 6,5 მილიონი ადამიანი იღუპება.

მოსახლეობის რაოდენობის გათვალისწინებით, აბსოლუტურ რიცხვებში ჰაერის დაბინძურებით გამოწველი დაავადებების გამო ყველაზე მეტი ადამიანი ჩინეთსა და ინდოეთში იღუპება.

საერთაშორისო ენერგეტიკული სააგენტო პარიზში დაფუძნებული არასამთავრობო ორგანიზაციაა, რომელიც 1974 ეუთო-ს ფარგლებში შეიქმნა.

როგორ გახდა საქართველო დაბინძურებული ჰაერის რანჟირებაში პირველი ქვეყანა?

ჰაერის ხარისხის ექსპერტი ტიმ კოვაჩი რამდენიმე ძირითად მიზეზზე საუბრობს - ბოლო ათწლეულის განმავლობაში ქვეყანაში მკვეთრად გაიზარდა ძველი მანქანები , დიზელის ძრავიანი ავტომობილები და რაც მთავარია, პრაქტიკულად არ არსებობს ჰაერის დაბინძურების ტესტირებები.

„საქართველოში საზოგაოებრივი ტრანსპორტის სისტემა არ არის სამკარისად განვითარებული, რის გამოც მოსახლეობა გადაადგილებისთვის პირად ავტომობილებს იყენებს. შედეგად, პირადი სატრანსპორტო საშალებების რაოდენობა , ბოლო ათწლეულის განმავლობაშ გაიზარდა და თითქმის გაორმაგდა ბოლო 5 წლის განმავლობაში.

ძირითადად კიხდება მეორადი მანქანების შეძენა , რომელთა იმპორტირება უცხოეთიდან ხდება. განსაკუთრებით პოპულარულია დიზელის ძრავიანი მანქანები.

ვინაიდან, ამ დროისთვის ტრანსპორტის ტექდათვალიერება შეჩერებულია, მანქანები ცუდ მდგომარეობაშია. ასევე შეჩერებულია ტესტირება გამონაბოლქვის ხარისხის დადგენაზე. ბაზარზე არსებული ზოგიერთი დაბალი ხარისხის საწვავს კი შეუძლია დიდი ზიანი მიაყენოს გამონაბოლქვის სახით. საცობების საკითხი კვლავ პრობლემურია საქართველოს ქალაქებში. ყველა ეს ფაქტორი კი ამ მნიშნელოვანი პრობლემის გამომწვევია“- წერს VOX -ი კოვაჩის ანგარიშზე დაყრდნობით.