მამა გაბრიელის პირველი კომენტარი - სასულიერო პირი პატრულის მხრიდან ცემას უარყოფს

საზოგადოება - 18:35, 26 Jun, 2016

11810

გურიაში საპატრულო პოლიციის წარმომადგენლებსა და სასულიერო პირს შორის მომხდარ ინცინდენტის შემდეგ პირველ კომენტარს აკეთებს მამა გაბრიელი:

"მე არ ვამბობ, რომ არ ვიყავი დამნაშავე, მეც დავნაშავე ვიყავი რადგან არაფხიზელ მდგომარეობაში ვმართავდი მანქანას. თუმცა, იმათგანაც არ იყო სწორი საქციელი, რაც მათ გააკეთეს და როგორც იქცეოდნენ. ჩვენ გვქონდა სატელეფონო საუბარი და იქ საუბარი იყო, თითქოს მე ხელით შემეხნენ. ეხლა როგორც აღვიდგინე, დაზიანება მიღებული მაქვს მანქანაში ჩაჯდომის დროს, მე მეგონა რომ ეს იყო პატრული, რომელიც ჩემს დაკავებაში იღებდა მონაწილეობას, აფექტური მდგომარეობიდან გამომდინარეობდა ვთქვი ეს. აღვიდგინე მომენტები რომ მანქანაში ჩაჯდომის დროს, მივიღე ეს დაზიანება"

რაც შეეხება მის აგრესიულ ხასიათს და სიმპატიებს "ნაციონალური მოძრაობის" მიმართ , რაზეც რამდენიმე ადამიანმა გააკეთა კომენტარი, მათ შორის ლანჩხუთის საკრებულოს ეთიკის კომისიის თავმჯდომარემ, ამბობს, რომ ამაზე მხოლოდ ის ადამიანები საუბრობენ, ვისაც ეკლესიის და სამღვდელოების სახელის შებღალვა უნდა:

"არასწორი გამონათქვამებია და ღმერთმა შეუნდოთ. ვერავინ ვერ იტყვის, რომ მე რომელიმე პოლიტიკურ ფრთას ვამაგრებ და ვქადაგებ ვინმეს საწინააღმდეგოდ, ან სასიკეთოდ, მე გამიჯნული ვარ პოლიტიკიდან. ეს არის ჭორები, ვისაც სიამოვნებს ასეთი რამეების ლაპარაკი, ეკლესიის წინააღმდეგი ადამიანები თუ გააკეთებენ ასეთ ინფორმაციას"-აღნიშნა "გურიის მოამბესთან" მამა გაბრიელმა.