ისღა დამრჩენია წამოწყებას - წერექართულად, შევუერთდე ჩემი ლენტით - ამის შესახებ ,,მის დეკოლტეს“ კონკურსში გამარჯვებულმა ნინო ჭელიძემ ,,ნიუპოსტთან“ ექსკლუზიურ ინტერვიუში განაცხადა.

ნინო ამბობს, რომ შეცდომა თავად მოგვიანებით შენიშნა, როცა მეგობრებმა დააფიქსირეს და მას შეატყობინეს.

,,ლენტთან დაკავშირებულ შეცდომაზე უკვე ვხუმრობ, ეგ ენის გასატეხი აწერიამეთქი. თანაც ისეთი ნომინაცია აწერია, რომ საქართველოში პირველი ვარ ამ ნომინაციის მატარებელი და ალბათ უკანასკნელიც. რეალურად კი ძალიან შეურაცხმყოფელი იყო, როცა სხვისი დაშვებული შეცდომების გამო მე ვილანძღებოდი. ორი სიტყვა წერია და ორივე შეცდომით. ნინო ადამაშვილმა ბოდიში მომიხადა, მაგრამ ვინც გაავრცელა, იქილიკა და იცინა მათ ეს ბოდიში არ აინტერესებთ, არც ის თუ ვის შეეშალა.

ფინალზე გადაღებული ჩემი ფოტო მთელ ფეისბუქს მოედო. მეგობრები მწერდნენ რა გაწერია თუ იციო, მხოლოდ მას მერე დავაკვირდი. ფინალის საღამოს გამარჯვების აღნიშნვის მაგიერ დაცინვა მივიღე, ამიტომ დეტალურად გადავუღე ფოტები და გავასაჯაროვე. ვინც ლენტაზე იყო პასუხისმგებელი, იმას აქვს ბოდიში მოსახდელი, თუმცა ეს უკვე აღარაფერს შეცვლის“ - მაბობს ნინო ჭელიძე.

კონკურსანტის თქმით, ის არც ჟიურის წევრებს იცნობდა და არც შეფასების კრიტერიუმები იყო მისთვის ცნობილი.

,,ჟიურის წევრებების ნაწილს არ ვიცნობდი, ზოგის სახელი და გვარი დღესაც არ მახსოვს, ძალიან ბევრნი იყვნენ. არც მათი შეფასების კრიტერიუმები ვიცი,ან მე ვისი ფავორიტი ვიყავი. დღემდე არ მიკითხავს. ეს მათი გადასაწყვეტი იყო, ალბათ საკუთარი შეხედულებეიდან და ღირებულებიდან გამომდინარე სწევდნენ ქულეს.

ისღა დამრჩენია წამოწყებას - წერექართულად, შევუერთდე ჩემი ლენტით“ - აცხადებს ნინო ჭელიძე.

ცნობისათვის, 23 ივნისს საქართველოში პირველად გაიმართა კონკურსი ,,მის მკერდი - 2016“, რომელიც საქველმოქმედო იყო და ძუძუს კიბოსა და ანორექსიით დაავადებულთა მხარდასაჭერად ჩატარდა. კონკურსის ,,მის მკერდი“ გამარჯვებული ნინო გოგავა გახდა.