ომარ ქაფიაშვილის ძმა ,,ისლამური სახელმწიფოს“ წევრობას აპირებდა - მაგდა პაპიძის დედის სკანდალური განცხადება

საზოგადოება - 18:21, 25 Jun, 2016

13899

მაგდა პაპიძის დედა სკანდალურ განცხადებას აკეთებს. ლია შამუგია ,,ნიუპოსტთან“ ინტერვიუში ომარ ქაფიაშვილის ძმასთან დაკავშირებით ამბობს, რომ მას ისლამურ სახელმწიფოს რიგებში შესვლა სურდა, რის გამოც ომარსა და მახოს შორის დაპირისპირებაც იყო.

„ომარის ძმა მუშაობდა ბათუმთან ახლოს, ტრაპიზონთან, მე დავეხმარე თურქეთში შესვლაში, დასაქმებაში, როცა შევიდა სამუშაოდ მე ვთხოვე დამსაქმებელს და ვუთხარი, რომ ეს ბიჭი ახალი გამოსულია ციხიდან და მიექციათ ყურადღება, რომ ან არ დალიოს ან რაიმე მსგავის არ მომხდარიყო. ძალიან კარგად მუსაობსო, მაგრამ ვიღაცას სულ ეჩხუბება ტელეფონშიო. მე ვიცოდი, რომ ძმასთან ჰქონდა დაპირისპირება, ისიც გოგოს გულისთვის, არ ვიცოდი თუ „ისლამურ სახელმწიფოსთან“ დაკავშირებით რამეს აპირებდა, ვუთხარი რომ გოგოსთან დაკავშირებით კამათობენ, დავანებოთ თავი, ბავშვები თავისით მოგვარდებიან-მეთქი. კიდევ სხვა ინფორმაცია მომივიდა ბიჭებისგანო, როცა ჩემთან არ არიან და ხვა ოთხაში არიან, როცა ნასვამები არიან იქიდან ისმის ხმაო, გავიგე რომ „ისლამური სახელმწიფოს“ მებრძოლად უნდა წასვლაო. მოხდა ისეთი რამ, რომ ამ ბიჭმა დატოვა ეს ტერიტორია და წავიდა სტამბოლში, დამირეკა დამსაქმებელმა და მითხრა, ქალბატონო ლია ჩემგან წავიდაო და დასძინა, ისეთ ბიჭებს გაჰყვა, რომ არ მესიამოვნა ის ბიჭებიო. იმ პერიოდში მომიხდა საქართველოში ერთი კვირით ჩამოსვლა და იმ პერიოდში შევესწარი ფაქტს, რომ ჩემი სიძე ძალიან მკაცრად ელაპარაკებოდა მახოს, მაგდასაც ვკითხე რა ხდება-მეთქი? და მიპასუხა მახოს ელაპარაკება, ,,ისლამურ სახელმწიფოში“ უნდა შესვლა და კატეგორიულად უარზეა, გაგიჟებულიაო. ომარმა ზუსტად ასე უთხრა, საზღვარს თუ გადაკვეთავ მოგკლავო, თუ ბრძოლა გინდა, ჩამოდი და ჩემს გვერდით იბრძოლეო. მე მაგდასაც ვუთხარი, ესენი ძმები არიან და არ ჩაერიო, მორიგდებიან-მეთქი. დედასაც შენიშვნას აძლევდა სიგარეტის თაობაზე, რომ არ მოეწია, აგრესიულად იყო განწყობილი ამ თემის მიმართ, ყველამ იცოდა როგორი ხასიათი ჰქონდა ომარს და როგორი გამოვლინებები, ჩემი მტერი დაუდგეს იმას მართლაც“ - აცხადებს პაპიძის დედა.

ომარ და თორნიკე ქაფიაშვილები 2015 წლის 19 დეკემბერს გარდაცვლილები იპოვეს. სამართალდამცველებმა მაგდა პაპიძე 20 დეკემბერს დააკავეს.