ქართული კრინიმალური დაჯგუფების 10 მილიონის ,,ალაფის“ ექსკლუზიური ფოტო-რეპორტაჟი

კრიმინალი - 20:07, 21 Jun, 2016

9911

შარშან ზამთარში საბერძნეთის დედაქალაქ ათენში ქართული ბანდის წევრების გამოაშკარავების შედეგად (15 წევრის აყვანით და 14–ის ძიებაში გადაცემით) 10 მილიონი ევროს “ალაფი” იქნა გამოვლენილი. ნაძარცვი ქართული დაჯგუფების წევრებმა მოიპოვეს 170–მდე ბინის ქურდობით ქ. ათენის ისეთ გარეუბნებში, როგორიცაა ვრილისია, კიფისია, მელისია, ერითრეა, ნეო ირაკლიო, პევკი, მარუსი, გლიფადა. ქვემოთ მოცემულ ფოტოსურათებზე, რომელიც ქ. ათენის პოლიციის სანიფორმაციო სამსახურის ექსკლუზიურ ფოტ–რეპორტაჟს შეადგენს, ნახავთ ბანდის მეთაურის ზე-კომფორტულ და უმდიდრეს ვილას, საკუთარი აუზით და ტენისის კორტით ქ. ათენის გარეუბან ანავისოში, ძვირადღირებულ ავტომანქანებს (“პორშე”, “მერსედესი” დ ა.შ.), რომლებიც ბანდის წევრებს ეკუთვნოდათ. ასევე, ძვირადღირებულ სიგარებს, 90 000 ევროს–ნაღდი ფულის სახით, ძვირფასეულობის “კასეტას” 2 მილონი ევროს ღირებულებით, მაგიდის პატარა ოქროს საათს (ფირმა “კარტიე“), რომელიც 150 000 ევროს ღირებულებისაა, წმინდა გიორგის შეუფასებელი ღირებულების ოქროსჩარჩოიან ხატს, ასევე, შეუაფსებელი ღირებულების ბრილიანტებს და ძვირადღირებული ბრენდების ხელჩანთებს. … აღსანიშნავია, რომ ერთადერთი, ვინც ცდილობდა, თვალში მოსახვედრი არ ყოფილიყო, ბერძენი ძვირფასეულობათა შემფასებელი იყო (პოლიციის ცნობით, ის ერთ–ერთი საუკეთესოა ქ. ათენში და მთლიანად საბერძნეთში), რომელიც უბრალო მოტოციკლეტით (სკუტერით) გადაადგილდებოდა. დანარჩენი ბანდის წევრები, “სამუშაოსგან” შესვენების პერიოდში, არ იკლებდნენ არც ძვირადღირებულ მანქანებს და არც დროსტარებას ათენის საუკეთესო “ბუზუკძიდიკო”–ებსა და რესტორნებში, საზღვარგარეთის ფეშენებალურ კურორტებზე ოჯახთან ერთად დასვენებით და ა.შ.
წყარო georgians.gr