უელსთან წაგების შემდეგ რუსეთის ეროვნული ნაკრების მთავარმა მწვრთნელმა ლეონიდ სლუცკიმ თანამდებობა დატოვა. მისი თქმით 2018 წლის მსოფლიო ჩემპიონატისთვის გუნდი სხვა სპეციალისტმა უნდა მოამზადოს.

„მე ბოდიშს ვუხდი გულშემატკივრებს ასეთი შედეგისთვის, მიმაჩნია, რომ 2018 წლის ჩამპიონატისთვის ნაკრები სხვა სპეციალისტმა უნდა მოამზადოს“- განაცხადა სლუცკიმ.

შეგახსენებთ, გუშინ უელსმა ჯგუფური ეტაპის შეხვედრაში რუსეთის ნაკრები დიდი ანგარიშით 3:0 დაამარცხა, რის შედეგადაც რუსეთს ჯგუფიდან გასვლის და მერვედფინალში მოხვედრის შანსი დაუკარგა.