"გარდაცვლილს არ აქვს ყურის ნაწილი?"- მაგდა პაპიძის ადვოკატის თქმით, სამხილი არ არსებობს

საზოგადოება - 11:51, 20 Jun, 2016

27827

მეუღლისა და შვილის მკვლელობაში ბრალდებული ქალის , მაგდა პაპიძის სასამართლო პროცესისადმი მაღალი საზოგადოებრივი ინტერესი არსებობს. საქმეს საქალაქო სასამართლოში ნაფიცი მსაჯულები განიხილავენ.

როგორც ბრალდებულის ადვოკატი ამბობს, პაპიძის წინააღმდეგ სამხილი არ არსებობს.

"ბრალდება აცხადებს, რომ თურმე ქმარ-შვილი პაპიძემ იმიტომ დახოცა, რომ მეგობარ მამაკაცთან გაეგრძელებინა ცხოვრება. დარწმუნებული ვარ, ეს ვერ დადასტურდება. ბერძენიშვილმაც თქვა, რომ არანაირი გეგმები ერთად ცხოვრებაზე არ ჰქონიათ, ამიტომ აბსურდამდე მიდის იმის მტკიცება, რომ ქალს შეუძლია ქმარ-შვილი დახოცოს და მერე სუფთა ფურცლიდან დაიწყოს ცხოვრება. არსებულმა მტკიცებულებებმა შეიძლება ეჭვი გააჩინოს ომარ ქაფიაშვილთან მიმართებაში, თუმცა მარტო ეჭვით ვერ გაასამართლებენ, ხოლო ბავშვთან მიმართებაში ერთი ირიბი მტკიცებულება არ არსებობს, რომ ეს მაგდას ჩადენილია. ვაცხადებ, ჯერ შეიქმნა ვერსია და საამისო მტკიცებულებები ნელ-ნელა მოგროვდა. 7 საათი ათვალიერებდნენ შემთხვევის ადგილს და თურმე ვერ ნახეს დივანზე სისხლი, კედელზე ლაქები. გარდაცვლილს არ აქვს ყურის ნაწილი, ვერ იპოვეს ვერც გადაყრილ ნივთებში და ვერც სახში. თუ დანაშაული იმ ადგილას მოხდა, მაშინ სად არის ყურის ნაწილი?"- აცხადებს პაპიძის ადვოკატი მარიკა ფხალაძე.