ხელვაჩაურში 24 ადამიანი ხაჭაპურმა მოწამლა?- რას აცხადებს ჯანდაცვის მინისტრი

საზოგადოება - 17:17, 18 Jun, 2016

8801

ხელვაჩაურის რაიონში 24 ადამიანის მოწამვლის ფაქტთან დაკავშირებით კომენტარი ჯანდაცვის მინისტრმა გააკეთა. დავით სერგეენკოს განცხადებით ცალსახად შეიძლება იმის თქმა რომ მოწამვლა ხაჭაპურს უკავშირდება, თუმცა იმის დასადგენად თუ რომელმა კონკრეტულმა ნივთიერებამ გამოიწვია მოწამვლა ამის დასადგენად ექსპერტიზა მიმდინარეობს.

"გამოიკვეთა ცალსახა პასუხი, რომ ეს იყო ერთ-ერთ კვების პროდუქტთან - ხაჭაპურთან კავშირში, რადგან ეს მოვლენები, უკლებლივ ყველასთან განვითარდა. რაც შეეხება იმას, რომელმა კონკრეტულმა ნივთიერებამ გამოიწვია მოწამვლა, ამის დასადგენად ექსპერტიზა მიმდინარეობს და პასუხი მალე გვეცოდინება. თუმცა, საბედნიეროდ, ამ ადამიანების ჯანმრთელობის მდგომარეობას საფრთხე არ ემუქრება",- განაცხადა დავით სერგეენკომ.

ხელვაჩაურში, სოფელ სატეხიაში 24 ადამიანის მოწამვლის ფაქტთან დაკავშირებით საქმე სისხლის სამართლის კოდექსის 118-ე მუხლის მესამე ნაწილით არის აღძრული, რაც ჯანმრთელობის განზრახ ნაკლებად მძიმე დაზიანებას გულისხმობს.

შეგახსენებთ, ხელვაჩაურში, სოფელ სატეხიაში წვეულებაზე 24 ადამიანი მოიწამლა. მოწამლულთა შორის შორის, 11 ბავშვია, ისინი 11 ბავშვი ბათუმის საავადმყოფოდან კატასტროფის ბრიგადის მანქანებით თბილისში იაშვილის სახელობის ბავშვთა რესპუბლიკურ საავადმყოფოში გადმოიყვანეს. მედიკოსების განმარტებით, ამ დროისათვის პაციენტების ჯანმრთელობის მდგომარეობა გაუმჯობესებულია.