რუსეთის მძლეოსანთა ნაკრები რიო-დე-ჟანეიროს ოლიმპადაზე მონაწილეობას ვერ მიიღებს. ასეთი გადაწყვეტილება მიიღო მძლეოსანთა საერთაშორისო ფედერაციამ 17 ივნისს გამართულ საბჭოს სხდომაზე. აღსანიშნავია, რომ ა, გადაწყვეტილებას მხარი საბჭოს 27 წევრიდან 26 დაუჭირა.

რუსეთის ნაკრები დოპინგის გამოყენებისათვის დაისაჯა. რუსეთის სპორტის მინისტრი ვალერი მუტკო ფაქტობრივად შეგუებული იყო ამ გადაწყვეტილებას. მან ადრე ოფიციალურად აღიარა რუსი მძლეოსნების მიერ დოპინგის გამოყენების ფაქტები.

ეს მძიმე სასჯელი შესაძლოა უკანასკნელი არ აღმოჩნდეს რუს სპორტსმენთათვის. უახლოეს მომავალში, 21 ივნისს საერთაშორისო ოლიმპიური კომიტეტის სხდომა გაიმართება, რომლის გადაწყვეტილებამაც, შესაძლოა, რუსეთის მთელი გუნდი 2016 წლის ზაფხულის ოლიმპიადის გარეშე დატოვოს.