ზუგდიდში თამარ მეფის ქუჩაზე შიდა ეზოების კეთილმიწყობის სამუშაოები მიმდინარეობს

საზოგადოება - 19:27, 15 Jun, 2016

1815

ქალაქ ზუგდიდში, თამარ მეფის ქუჩაზე მდებარე ექვსი მრავალბინიანი საცხოვრებელი კორპუსის (№16, №18, №19, №22, №23, №24) შიდა ეზოს კეთილმიწყობის სამუშაოები მიმდინარეობს.
ე.წ. კომბინატის დასახლების კორპუსების შიდა ეზოების მოწყობის სამუშაოები ქალაქ ზუგდიდი მერმა, ირაკლი გოგოხიამ დაათვალიერა. აღნიშნული სამუშაოები ექვსივე კორპუსში ერთდროულად მიმდინარეობს.
რეაბილიტაციის ფარგლებში ხორციელდება შიდა ეზოებში ბეტონის საფარის, ბორდიურებისა და გაზონების მოწყობა.
რეაბილიტაციის ფარგლებში დაგეგმილია მიწის დეკორატიული და გამწვანებითი სამუშაოების განხორციელება ( ტერიტორიის გამწვანება). თამარ მეფის ქუჩაზე მდებარე ექვსი მრავალბინიანი საცხოვრებელი კორპუსის შიდა ეზოების რეაბილიტაცია მიმდინარე წლის 6 ივნისს დაიწყო და 16 აგვისტოს დასრულდება. ადგილობრივი ბიუჯეტიდან აღნიშნულ სამუშაოებს 371 758 ლარი მოხმარდება.
,,ჩვენ აქტიურად ვმუშაობთ ქალაქ ზუგდიდში მდებარე შიდა ეზოების რეაბილიტაციის მიმართულებით.ამ დასახლების მაგალითზეც ცხადია, რომ ჩვენთვის ერთნაირად მნიშვნელოვანია როგორც ქალაქის ცენტრალურ, ასევე პერიფერიულ ნაწილში მდებარე კორპუსების შიდა ეზოების ინფრასტრუქტურული მოწესრიგება. ამ მიმართულებით ჩვენ მომავალშიც აქტიურად ვიმუშავებთ“ - აღნიშნა გოგოხიამ.