"ჩემი და მეც მომკლავს და ჩემ შვილსაც არ დაინდობსო" - პაპიძის მეზობელი ბრალდებულის დის სიტყვებს იხსენებს

საზოგადოება - 15:20, 15 Jun, 2016

37387

ქმრისა და მცირეწლოვანი შვილის მკვლელობაში ბრალდებულ მაგდა პაპიძეს მეზობლები უარყოფითად ახასიათებენ.
თბილისის საქალაქო სასმართლოში დაიკითხა პაპიძის კიდევ ერთი მიზობელი ირმა მადეიჩი, მისი თქმით, გარდაცვლილ თორნიკე ქაფიაშვილს სწორედ მან გაუკეთა ხელოვნური სუნთქვა.
"ბავშვს სული რომ ჩავბერე უკვე გაციებული და გარდაცვლილი იყო. ერთი ამოიხრიალა, მეგონა, ცოცხალი იყო, მაგრამ ხელი, რომ მოვკიდე, უკვე ცივი იყო"- ისხენებს მოწმე.
მისი თქმით, პაპიძე თავის შვილს არ მიკარებია და ცოტა მოშორებით იდგა.
"იმ ღამეს პოლიცია რომ მოვიდა, მაშინ აანთეს დერეფანში შუქი და სისხლის კვალი ოთახის ჩარჩოდან იწყებოდა და მთელ სიგრძეზე გრძელდებოდა. სისხლის კვალი, სადაც დივანი ედგათ, იქაც შევამჩნიე, იმ დროს ოთახი უნდა გაეთავისუფლებინათ და მეზობლებს ნივთები გაჰქონდათ, ის დივანი ჩემთან შემოიტანეს, მაგრამ ისეთი მძიმე იყო არ მინახავს რა იდო შიგნით"- აღნიშნა მადეიჩიმ.
მისი თქმით, პაპიძის და ლანა თავდაპირველად ამბობდა, რომ სასტიკი მკვლელობა მისი დის ჩადენილი იყო.
"ამბობდა, დარწმუნებული ვარ, ჩემი დის გაკეთებულია, ჩემი და მეც მომკლავს და ჩემ შვილსაც არ დაინდობს, ისეთიაო. ჩემს ოთახში მათი ნივთები ეწყო და მეორე დღეს სულ არეული დამხვდა, ჩემ ქმარს ვკითხე, რა მოხდა მეთქი და ლანა იყო შემოსული რაღაცას ეძებდაო" - აღნიშნა მან.