თბილისის საქალაქო სასამართლოში მეუღლისა და მცირეწლოვანი შვილის მკვლელობაში ბრალდებული 25 წლის ქალის მაგდა პაპიძის პროცესი განახლდა. ამ წუთებში პროცესზე პაპიძისა და ომარ ქაფიაშვილის მეზობლები აძლევენ ჩვენებას.

პაპიძის მეზობელმა ალა მარქაროვმა მკვლელობის დღე გაიხსენა და აღიშნა რომ 19 დეკემბერს ის აპიძის დედამთილ დარეჯან მინდიკაურთან სტუმრად დედასთან ერთად იმყოფებოდა.

"მაგდა შემოვიდა, შემოიტანა დივნის გადასაფარებელი. საათნახევრიან რეჟიმზე ჩართო სარეცხის მანქანა. ცოტა ხანში დიდი რაოდენობით ქაფი და მოვარდისფრო მოწითალო ფერის წყალი გამოჩნდა. სარეცხის მანქანიდან წყალი გადმოვიდა რომელიც მოწითალო იყო. პაპიძემ წყალი ჩემი ჭიქიდან დალია, არადა ყველამ ვიცოდით, რომ არავის ჭიქით არ სვავდა",- განაცხადა მოწმემ.

მისი თქმით, მკვლელობაში ბრალდებულს ცვალებადი ხასიათი ჰქონდა.

"ბავშვს უწიოდა და ხშირად ხმამაღლა ჩხუბობდა ხოლმე. ომარი წესიერი მეოჯახე, პასუხისმგებლიანი ადამიანი იყო, უყვარდა ცოლ-შვილი, ხშირად არ სვავდა და არც პათოლოგიური სიმთვრალე ჰქონია"- თქვა პაპიძის მეზობელმა.

არსებული ინფორმაციით, დღეს ომარ ქაფიაშვილის ძმა მალხაზ ქაფიაშვილიც დაიკითხება.