13 ივნისის სტიქიის დროს დაზარალებული 5 ოჯახი მერიისგან კომპესაციას ამ დრომდე ელოდება

საზოგადოება - 15:40, 13 Jun, 2016

2322

13 ივნისის სტიქიური უბედურებიდან ერთი წელი გავიდა. სახელმწიფომ დაზარალებული მოსახლეობის ნაწილს კომპესაცია არ გადაუხადა. ამასთან დაკავშირებით, დღეს დაზარალებული ოჯახების წარმომადგენელმა, ბრიფინგი გამართეს. მათ მერიისგან ამ დრომდე არ აქვთ პასუხი თუ რატომ ვერ მიიღეს კომპესანცია.

დღევანდელ ბრიფინგზე არასამთავრობო ორგანიზაცია დემოკრატიის ინსტიტუტის დამფუძნებლმა ლაშა ჩხარტიშვილმა აღნიშნა, რომ ამ ადამიანებს ჰყავთ ერთი მოდავე ადამიანი, რომელიც ამტკიცებს, რომ ეს პიროვნებები მის ტერიტორიაზე უკანონოდ ცხოვრობდნენ და კომპენსაცია მას ეკუთვნის- “იმის ნაცვლად, რომ პროკურატურას გაერკვია მტყუან-მართალი და ამ 5 ოჯახის 20 წარმომადგენლის ბედი, რომლებიც დღეს ვერ იღებენ კომპენსაციას იმის გამო, რომ ვიღაც ერთი მოდავე პირი, რომელიც ამტკიცებს, რომ თითქოს ეს ადამიანები მონების სახით ცხოვრობდნენ მის ტერიტორიაზე და ახლა ის ითხოვს მათ ნაცვლად კომპენსაციის აღებას“ -განაცხადა ჩხარტიშვილმა.

ერთ-ერთი დაზარალებულის განცხადებით-“არავითარი კომპენსაციის შემოთავაზება არ მიგვიღია. ჩემი შვილები ცალკე ცხოვრობენ, მე სხვის ბინაში. სამი თვეა ჩვენი ადვოკატის მეშვეობით, ბინები მოგვცეს ქირით და 300 ლარს გვიხდიან“ - აღნიშნა დაზარალებულმა.