თბილისში 44 წლის მამაკაცი მოკლეს - ეჭვმიტანილი დაკავებულია

კრიმინალი - 10:09, 09 Jun, 2016

6693

თბილისში 44 წლის მამაკაცი ცივი იარაღით მოკლეს. ცნობილია, რომ მკვლელობას ურთიერთშელაპარაკება უძღოდა. როგორც "ნიუპოსტს" შინაგან საქმეთა სამინისტროდან აცნობეს, აღნიშნული დანაშაულისთვის სამართალდამცავებმა 27 წლის მამაკაცი ცხელ კვალზე დააკავეს.
"შსს-ს თბილისის პოლიციის დეპარტამენტის დეტექტივების სამმართველოს და ისანი-სამგორის სამმართველოს თანამშრომლებმა, ერთობლივად ჩატარებული ოპერატიულ-სამძებრო და საგამოძიებო ღონისძიებების შედეგად, 1989 წელს დაბადებული ლევან ბ. განზრახ მკვლელობის ბრალდებით თბილისში დააკავეს.

გამოძიებით დადგინდა, რომ ალკოჰოლის ზემოქმედების ქვეშ მყოფმა ბრალდებულმა, თბილისში, ისანი-სამგორის რაიონში, ქინძმარაულის ქუჩაზე, ურთიერთშელაპარაკებისას, ნაცნობს - 1972 წელს დაბადებულ იგორ ნ.-ს სხეულზე ცივი იარაღით მრავლობითი ჭრილობა მიაყენა და მიიმალა. იგორ ნ. შემთხვევის ადგილზე გარდაიცვალა.

სამართალდამცველებმა ბრალდებული ცხელ კვალზე, მომხდარიდან რამდენიმე წუთში დააკავეს. პოლიციამ დანაშაულის ჩადენის იარაღი - დანა ნივთმტკიცებად ამოიღო.

გამოძიება განზრახ მკვლელობის ფაქტზე მიმდინარეობს (საქართველოს სსკ-ის 108-ე მუხლით)"- აღნიშნავენ მღებრიშვილის უწყებაში.