სააპელაციო სასამართლოს მოსამართლეთა კოლეგიამ ტელეკომპანია რუსთავი2-ის ადვოკატებს თამთა მურადაშვილს და დიმიტრი საძაგლიშვილს პროცესზე დასწრების უფლება არ მისცა, მიზეზად დასახელდა ის, რომ დღევანდელ სხდომაზე ქიბარ ხალვაშის მხარემ სარჩელი საავტორო უფლებებთან დაკავშირებით მოხსნა. პროცესზე დასწრების საშუალებას არ მისცეს არც ტელეკომპანიის გენერალურ დირექტორს ნიკა გვარამიას.

რუსთავი 2-ის გენერალური დირექტორის მოადგილე, ზაალ უდუმაშვილი მიიჩნევს, რომ სასამართლო განაჩენს დღეს ან ხვალ გამოიტანს:

„რა თქმა უნდა პროცესები სწორედ იქით მიმდინარეობს, რომ რაც შეიძლება სწრაფად დასრულდეს სააპელაციო განხილვა, სასამართლო ცდილობს, რომ 8 ივნისამდე გამოიტანოს გადაწყვეტილება და დღეს ან ხვალ ალბათ უკვე გამოაცხადებს საბოლოო გადაწყვეტილებას, წინა პროცესიდან გამომდინარე თუ ვიმსჯელებთ, პრაქტიკულად რუსთავი 2-ს იურისტებიც კი არ დაუტოვეს დაბაზში და ყველა გამოაძევეს, ასეთ რეჟიმში ალბათ სასამართლო ყველაფერს მოასწრებს და განაჩენს გამოიტანს“, - განაცხადა ზაალ უდუმაშვილმა.