ქუთაისში, 50 წლამდე მამაკაცი მოკლეს. როგორც "ნიუპოსტის" ადგილობრივი კორესპოდენტი იტყობინება მაიზერ ბანძელაძეს ცეცხლსასროლი იარაღიდან მეზობელმა ესროლა.

შემთხვევა ჭომის დასახლებაში, ლესელიძის ქუჩაზე გვიან ღამით მოხდა, დაჭრილი ქუთაისის კლინიკურ საავადმყოფოში გადაიყვანეს, თუმცა მისი გადარჩენა ვერ მოხერხდა. ბანძელაძე დღეს დილით გარდაიცვალა.

როგორც მეზობლები აცხადებენ, მკვლელობას გარდაცვლილსა და მის თანაუბნელს შორის დაწყებული შელაპარაკება უძღოდა.

მომხდარ ფაქტს ადასტურებენ შინაგან საქმეთა სამინისტროში. როგორც უწყებაში "ნიუპოსტს" განუცხადეს, ოპერატიულ საგამოძიებო მოქმედებები აქტიურად მიმდინარეობს.

მღებრიშვილის უწყება დამატებით დეტალებს მოგვიანებით გაავრცელებს.