„ნანუკას შოუს“ ეგვიპტური არდადეგების შემდეგ, სოციალურ ქსელში „ეკა ხოფერიას შოუს“ არდადეგების კადრებიც გამოჩნდა. როგორც შევიტყვეთ ეკა ხოფერია გადაცემას გემზე წერს - ისრაელიდან საბერძნეთისკენ... გემზე კონცერტი გაიმართება, რომელშიც მონაწილეობას შოუში მიწვეული სტუმრები მიიღებენ. მათ შორის არიან: ლელა წურწუმია, მაკა ზამბახიძე, თაკო მელიქიშვილი და ასე შემდეგ. კონცერტს გაუძღვება რადიო „არ დაიდარდოს“ მუსიკალური წამყვანი და მომღერალი, თაკო მელიქიშვილი. გადამღები ჯგუფი და მათი სტუმრები საქართველოში კვირას გამოემგზავრებიან.

ასე ენერგიულად დაიწყო ზაფხული „ნანუკას შოუმ“ და „ეკა ხოფერიას შოუმ“. რა სიურპრიზს უმზადებს მაყურებელს „პროფილი“ და „სხვა რაკურსი“ ამას უკვე მოგვიანებით შევიტყობთ.