ოზურგეთის მუნიციპალიტეტის სოფელ მზიანის დეპუტატის, ილო მამალაძის განცხადებით, სოფელში მგლები მომრავლდა და მოსახლეობას სერიოზული საფრთხე ემუქრება.

დეპუტატის განცხადებით, მსგავსი შემთხვევა, რომ მტაცებლები დასახლებულ ტერიტორიაზე შემოსულიყვნენ, მათ არ ახსოვთ. 10-15 მგელი ყოველ საღამოს პირუტყვის სადგომს ესხმის თავს. „გუშინ მზიანში ჯინჭრაძეების ოჯახს თავს დაესხა მგლების ხროვა, სოფელში საგანგაშო ვითარებაა, მოსახლეობა შიშით გარეთ ვერ გამოდის, ვითხოვთ დახმარებას. მგლები სოფელში თითქმის ყოველ ღამე შემოდიან და დამწყვდეულ პირუტყვს ანადგურებენ. სოფლის მცხოვრებლები ბავშვებს სკოლაში აცილებენ ან საერთოდ აღარ უშვებენ. მოსახლეობა ითხოვს, მტაცებლების გასანადგურებლად მონადირეთა ჯგუფი გამოიყოს“ - აცხადებს მამალაძე.

წყარო: "გურიის მოამბე"