ლეგენდარული კომპიუტერული თამაშის “ვარკრაფტი” პირველი ეკრანიზაცია მსოფლიო პრემიერამდე ერთი კვირით ადრე, საქართველოს კინოთეატრებში !

კულტურა - 14:30, 25 May, 2016

1373

საქართველოს კინოთეატრებში ლეგენდარული კომპიუტერული თამაშის ეკრანიზაციის ‘’ვარკრაფტი’’ პრემიერა მსოფლიო პრემიერამდე ერთი კვირით ადრე გაიმართება. ფილმში შთამბეჭდავი სამყაროს ნახვის შესაძლებლობა მაყურებელს ქართულ ენაზე ხვალ, 26 მაისიდან, ექნება.

ფილმში თამაშის ხიბლია გადმოცემული, რაც რეჟისორის, დუნკან ჯონსის ჩანაფიქრი გახლავთ. ორკებმა გადაწყვიტეს, მათთვის უცხო ადგილას დასახლებულიყვნენ და ადამიანთა სამყაროში შეაღწიეს, სადაც წინააღმდეგობას ხვდებიან და აზეროტის მიწაზე ომი იწყება.

ორი ოსკარის მფლობელი, სპეცეფექტების ჯგუფის ხელმძღვანელი, ბილ ვესტენხოფერი, კომპიუტერული თამაშის ‘’Warcraft’’-ს ძველი თაყვანისმცემელია, გადაღებების დროს, ხშირად, შუაღამისას ლოგინიდან დგებოდა იმისათვის, რომ ‘’Warcraft’’ ეთამაშა.

ერთ-ერთი პერსონაჟის როლის შემსრულებელი, რობერტ კაზინსკი, გატაცებულია ‘’ვარკრაფტით’’ და ის იხსენებს, რომ რამდენიმე წლის წინ, ფანტასტიკური ბოევიკის გადაღებისას, პროდიუსერები ხშირად მოუწოდებდნენ, თამაშს მოწყვეტოდა და საქმისთვის მიეხედა. შესაბამისი გუნდის შეკრების შემდეგ, “ვარკრაფტი” ფილმად იქცა, რომელსაც მსოფლიო ჯერ კიდევ სულმოუთქმელად ელის, ქართველ მაყურებელს კი, მისი შეფასების შესაძლებლობა, პირველს მიეცემა.