ნიკა გვარამია სასამართლო დარბაზიდან გააძევეს

საზოგადოება - 12:11, 31 May, 2016

7785

რუსთავი 2-ის გენერალური დირექტორი ნიკა გვარამია სასამართლო დარბაზიდან გააძევეს.

გვარამიამ მოსამართლეთა კოლეგიას მიმართა და განაცხადა, რომ "კოლეგია, თეა წულუკიანი და მთავრობის წევრები ერთიდაიგივე დისკუსიის ნაწილი არიან და ერთნაირად დაამთავრებენ".

გვარამიას გაძევებამდე მოსამართლე ნათია გუჯაბიძემ რუსთავი 2 - ის გენერალური დირექტორის ბრალდებას უპასუხა და გვარამიას მიმართა, თუ ის დაამტკიცებს, რომ განაჩენი იუსტიციის მინისტრმა დაუწერა, მოსამართლის მანტის გაიხდის და სასამართლოს დატოვებს.

"ბატონო ნიკა წინა სხდომაზე თქვენ თქვით, რომ წულუკიანმა დაგვიწერა გადაწყვეტილება, წაკითხულიც გაქვთ. მე საჯაროდ გთავაზობთ დალუქული პაკეტით მოიტანეს ის გადაწყვეტილება, როცა ჩვენ გამოვაცხადებთ ჩვენსას, ადგილზე გავხსნათ და შევადაროთ. თუ დაემთხვევა იმას, რაც ვითომ წულუკიანმა დაგვიწერა, მე გავიხდი მანტიას და წავალ სასამართლოდან", - მიმართა მოსამართლე ნათია გუჯაბიძემ გვარამიას.

სასამართლო დარბაზი დაატოვებინეს ელისო კილაძესა და ია ფარულავას. მათ შუამდგომლობაზე უარის გამოცხადებისას გაეცინათ.

რუსთავი 2-ის დირექტორთან ერთად სასამართლო დარბაზი დამსწრეთა ნაწილმაც დატოვა.