ევროპის ქვეყნებს შორის, საქართველოში ერის დაბერების ყველაზე მაღალი მაჩვენებელია

საზოგადოება - 15:23, 30 May, 2016

4726

საქართველოს „დემოგრაფიული აღორძინების ფონდის“ ხელმძღვანელის თამარ ჩიბურდანიძის განცხადებით, ევროპის ქვეყნებს შორის, საქართველოში ერის დაბერების ყველაზე მაღალი მაჩვენებელი დაფიქსირდა, კერძოდ კი საქართველოში მცხოვრები მამაკაცების სისცოცხლის ხანგრძლივობა საშუალოდ 75 წლით არის განსაზღვრული ქალბატონებში კი 79 წლით. „კვირას“ პორესკლუბში სტუმრობისას ჩიბურდანიძემ ისიც განაცხადა, რომ წლოვანებას შორის არსებული მკვეთრი დისბალასი ასევე პრობლემატურია.

„ერის დაბერების ტენდენცია კარგია, დადებითი მაჩვენებელიც არის, რადგან მიუთითებს სახელმწიფოს დამოკიდებულებას ხანდაზმულობის მიმართ, მაგრამ თუ კი ამას არ მოჰყვა შობადობა და მოსახლეობაში ახალგაზრდების წილობრივი ზრდა, მაშინ ეს სახელმწიფოზე და პირველ რიგში მის ბიუჯეტზე, ნეგატიურად აისახება.“-განაცხადა ჩიბურდანიძემ.

ჩიბურდანიძის განცხადებით, ბოლო 20-25 წლის მანძილზე საქართველოში გახშირდა მოხუცების თავშესაფარსი განთავსების ტენდენცია.

„ბოლო 20-25 წლის მანძილზე, საქართველოში წამოვიდა მოხუცების ოჯახიდან გაყვანის და ხანდაზმულთა სახლებში განთავსების ტენდენცია. არადა, ევროპელი ექსპერტების გადმოცემით ბავშვების ფსიქო-ემოციური სტრუქტურა გაცილებით უფრო კარგად არის ჩამოყალიბებული, როდესაც ის სახლში, მოხუცებულთან ერთად იზრდება. მთელი პოლიტიკა ხანდაზმულების შესახებ იმისკენ მიემართება, რომ ხანდაზმული ოჯახში იყოს და პირველი, მეორე და მესამე თაობა ერთად იყოს. ეს ზრდის ხანდაზმულების სიცოცხლის ხანგრძლივობას და სწორად აყალიბებს ბავშვის ფსიქოემოციურ სტრუქტურას“,-განაცხადა ჩიბურდანიძემ.