,,ივანიშვილი სანაგვისაკენ გზას ღიად დაადგა" - დავით დეფი კორცხელის ინციდენტზე

საზოგადოება - 15:19, 23 May, 2016

4305

ცნობილი ქართველი პოეტი და რომანისტი დავით დეფი კორცხელის 53-ე საარჩევნო უბანთან მომხდარი ფაქტი "ნიუპოსტთან" შეაფასა.
მისი თქმით, გუშინ განვითარებული მოვლენები "ივანიშვილის გარდაუვალი მარცხის, მისი შიშისა და კომლექსების ნიშანია."
"ვულოცავ ბესო ქათამაძეს და მამუკა ლაშხიას ამ უმაგრეს გამარჯვებას! რაც შეეხება იმ სიმახინჯეს ვიტყვი ერთს - ერთუჯრედიანი კი არა უუჯრედო და დაზომბებული გონებაჩლუნგები, როგორც გაცოფებული ხროვა ისე დაესია თითო თითო ადამიანს, წაქცეულებს, როგორც ლაჩრები ისე შედგნენ. ეს ივანიშვილის გარდეაუვალი მარცხის, მისი შიშისა და კომპლექსების ნიშანია. „ქართული ოცნება“ ხელისუფლებაში მოსვლის დასაწყისიდანვე განწირულია ისტორიული სირცხვილისთვის, მაგრამ როცა საქართველოში, რუსები ღიად და საქვეყნოდ შენს მოქალაქეს გიკლავენ, გიგა ოთხოზორიას და ამას სახელმწიფო მხოლოდ „გმობს“ და პოლიტიკურ ოპონენტს კი ასეთ ნაგავსა და ჯალათებს ახვედრებს, უკვე მართლაც აშკარაა - ივანიშვილი ღიად დაადგა გზას სანაგვისაკენ. ეკა ხერხეულიძე წერს, რომ კორცხელის მაჟორიტარობის კანდიდატის მამუკა ლაშხიას შვილს და ძმისშვილს, სკოლასთან დახვდნენ. საატესტატო გამოცდებს აბარებდნენ და მათ ფიზიკურად გაუსწორდნენ. ნაცემ მოსწავლეს მიღებული დაზიანებების გამო, ოპერაციას დღეს უკეთებენ. აი აქ კი უკვე მართლა დამთავრდა ლაპარაკი სინდისზეც და არჩევნებზეც. ბავშვებზე ხელის აწევა განაჩენია მათთვის. ჯერ წარმოდგენაც არ აქვთ თუ რას გულისხმობს ეს განაჩენი. ღმერთმა დაიფაროს, ჩვენი ქვეყანა, ჩვენი თავისუფლება და ჩვენი ბავშვები"- აღნიშნა დავით დეფიმ.