ჩაანაცვლებს თუ არა ახალი სერიალი „ხელოვნური სუნთქვა“ „ჩემი ცოლის დაქალებს“

საზოგადოება - 13:30, 23 May, 2016

3889

„ფორმულა კრეატივი“ მალე „რუსთავი 2-ის“ ეთერში ახალ სერიალს იწყებს. ეს არის სერიალი „ხელოვნური სუნთქვა“ რომელიც სამედიცინო თემებით იქნება გაჯერებული. ჯერ-ჯერობით ცნობილია ის, რომ ერთ-ერთ მთავარ გმირს, სასწრაფოს ექიმს, მსახიობი თორნიკე გოგორიჭიანი შეასრულებს. უცნობია, ვინ იქნება ქალის მთავარი გმირის შემსრულებელი, თუმცა როგორც გაზეთ „პრაიმტაიმთან“ საუბრისას „ფორმულა კრეატივის“ დირექტორმა და პროდიუსერმა მიშა მშვილდაძემ განაცხადა, ეს უკვე ეკრანიდან გახდება ყველასთვის ცნობილი. ახალი სერიალის შესახებ გავრცელებული ინფორმაციის შემდეგ მაყურებელში გაჩნდა კითხვა, ხომ არ ჩაანაცვლებს „ხელოვნური სუნთქვა“ „ჩემი ცოლის დაქალებს?“ ამასთან დაკავშირებით კი მიშა მშვილდაძის პასუხი ასეთია: „რა თქმა უნდა, არა. როგორ შეიძლება ეს სერიალი დასრულდეს? ძალინ გრძელ პროგნოზს არ გავაკეთებ, მაგრამ სერიალი „ჩემი ცოლის დაქალები“ გრძელდება. „ხელოვნური სუნთქვა“ არის ახალი სერიალი, სხვა ჟანრით, სხვა სტილითსხვა სტილით, უფრო დრამა, უფრო ღრმა. „ჩემი ცოლის დაქალები“ ერთგვარი კომედიაც არის. ნებისმიერი დრამა რაც „ჩემი ცოლის დაქალებში“ ყოფილა პარადოქსის პრიზმაში არის ხოლმე. ეს აბსოლუტურად სხვა ჟანრის სერიალი იქნება, ბევრად უფრო დრამა და მძიმე.

სერიალის ერთ-ერთი მთავარი გმირი, რომელსაც თორნიკე გოგრიჭიანი ასახიერებს, სასწრაფოს ექიმია. სერიალში დაკავებული არიან ქეთი ცხაკაია, დათო როინიშვილი... კიდევ ერთი სიურპრიზი გვაქვს მაყურებლისთვის, ქალის მთავარი როლი, ჟურნალისტი, რომელსაც მაყურებელი უკვე ეკრანიდან ნახავს. არის სასიყვარულო ამბავი, მაგრამ ეს არ არის სერიალში მთავარი. მთავარი არის ის თუ რა ფონზე ვითარდება მათი ეს სიყვარული“-ამბობს მიშა მშვილდაძე გაზეთ „პრაიმტაიმთან“ საუბრისას.