„მდგომარეობა იმაზე მძიმე აღმოჩნდა, ვიდრე ექიმები ელოდნენ. საბოლოო ჯამში კი ოპერაცია კარგად დასრულდა“- სალომე ლილუაშვილი

საზოგადოება - 15:45, 19 May, 2016

66622

შორენა ბეგაშვილი ქალიშვილთან ერთად თურქეთში იმყოფება, სადაც ერთი ოპერაცია უკვე ჩაუტარდა ევას, ხოლო მეორე ოპერაციისთვის ამზადებენ. ჟურნალ „სარესთან“ „რუსთავი 2“-ის თანამშრომელი, სალომე ლილუაშვილი, ევას ჯანმრთელობის მდგომარეობის შესახებ საუბრობს:

"ხერხემალზე ოპერაცია რთული და ხანგრძლივი იყო. მდგომარეობა იმაზე მძიმე აღმოჩნდა, ვიდრე ექიმები ელოდნენ. საბოლოო ჯამში, ოპერაცია კარგად დასრულდა, ბავშვს გაუსაძლისი ტკივილები აღარ აქვს. თუმცა, საბოლოო შედეგისთვის ოპერაციების შემდეგ რეაბილიტაციის ხანგრძლივი კურსია საჭირო, ამიტომ, თანხების მობილიზება გრძელდება. თურქეთის კლინიკაში ერთი ღამის გათენება ძალიან ძვირი, 570 დოლარი ღირს. შორენამ თავისი ნივთები, მათ შორის, ავტომობილი დაალომბარდა. სამწუხაროდ, ასე სწრაფად ვერაფერი გაყიდა. შორენამ მომწერა, მე აქ ალბათ ცხოვრება მომიწევს და იმდენ ხანს ვიქნები, სანამ ევა ფეხზე არ გაივლისო. პირველ ოპერაციაზე 35 ათასი დოლარი იყო საჭირო, ფეხზე ოპერაციისთვის 30 ათასი დოლარი, შემდეგ რეაბილიტაციის კურსისთვის ცალკე თანხაა საჭირო. ჯანდაცვის სამინისტრომ 10 000 დოლარი ჩარიცხა, ენერგეტიკის მინისტრმა 10 000 ლარი, ჩვენ ისევ ვაგრძელებთ ფულის შეგროვებას“ - ამბობს სალომე ლილუაშვილი.

ევა ბარბაქაძის დასახმარებლად ფულის შეგროვება გრძელდება. დახმარების მსურველებმა კი, შეგიძლიათ თანხა ჩარიცხოთ ქვემოთ აღნიშნული ტელეფონის ნომერზე, ასევე საბანკო ანგარიშზე

0901701100 - "მაგთის" , "ჯეოსელისა" და "ბილაინის" აბონენტებისთვის.ზარის ღირებულება 1 ლარი.