ექვსი ერი საქართველოსა და რუმინეთისთვის კარის გახსნის შესაძლებლობას განიხილავს

სპორტი - 18:59, 18 May, 2016

6891

ექვსი ერის ორგანიზატორები, პლანეტის უძველეს საერთაშორისო ტურნირსა და ერთა თასს შორის „ასვლა-ჩასვლის“ სისტემის დანერგვის შესაძლებლობაზე იმსჯელებენ.

როგორც გავლენიანი დამოცემა therugbypaper-ი იტყობინება, ორგანიზატორთა შორის გამოჩნდნენ ადამიანები, რომლებიც ტურნირის „კაპიტალურ რემონტს“ ითხოვენ.

„ექვსი ერის პოლიტიკის ცვლილებასა და საზღვრების გაფართოების მომხრეთა ავანგარდში შოტლანდიელები და უელსელები დგანან , რომელთაც შეუძლიათ კარი გაუღონ საქართველოსა და რუმინეთს და ევროპის უმთავრეს ტურნირში თამაშის შესაძლებლობა მისცენ“ - ნათქვამია სტატიაში.

როგორც სტატიის ავტორი წერს, გადამწყვეტი სიტყვა „მსოფლიო რაგბის“ ახლადარჩეულ პრეზიდენტ ბილ ბომონტს ეკუთვნის, რომელიც რამდენიმე წელი თავად ხელმღვანელობდა ექვს ერს და ჯონ ფიიმანსაც. ეს უკანასკნელი , გამოვიდა ინიციატივით, რომ ექვსი ერი აპრილში გადაეტანათ, თუმცა დასძინა, რომ „ეს კომერციული ტურნირის ხელმძღვანელობის გადასაწყვეტი იყო.“

როგორც Therugbypaper-ი ამბობს, ექვსი ერის ორგანიზატორები შეკრებას აპირებენ , სადაც 3 ძირითად საკითხზე იმსჯელებენ. ზემოთაღნიშნულის გარდა, დაგეგმილია, ტურნირზე ბონუს-ქულების სისტემის დანერგვისა და ქვედა დივიზიონში „ასვლა-ჩასვლის“ საკითხსაც განხილვაც.

„ისინი თვლიან, რომ დრომ , ექვს ერში ორდონიანი ჩემპიონატის ჩატარების აუცილებლობა მოიტანა. საქმე ეხება სტატუს-კვოს შენარჩუნებას. როგორც იქნა გადაწყვიტეს სერიოზულად დაფიქრდნენ ამაზე და ექვს ერში თამაშის უფლება ევროპის საუკეთესო ნაკრებებს მიეცეს“ - წერს გამოცემა .

„მსოფლიო რაგბის“ ყოფილმა თავმჯდომარემ, ბერნარ ლაპასემ, ცოტა ხნის წინ ექვს ერს მოუწოდა - „დაინერგოს ასვლა-ჩასვლის სისტემა, გნებავთ პირდაპირ და გნებავთ პლეი ოფის მეშვეობით. სხვა ქვეყნებს აქ თამაშის იმედი უნდა მივცეთ."