დავით დეფის უნიკალური რომანი, რომელმაც ადამიანები სუიციდისგან იხსნა, დღემდე ტაბუდადებულია

კულტურა - 16:16, 09 May, 2016

4691

ჩვენ შევიტყვეთ რომ ცნობილი ქართველი პოეტისა და რომანისტის დავით დეფის ერთ-ერთმა რომანმა სახელწოდებით "დემნა გედევანიშვილი" რამოდენიმე ადამიანი თვითმკვლელობას გადაარჩინა და დეპრესიიდან გამოიყვანა. ასევე გავიგეთ, რომ ეს ფაქტი ქართველი ფსიქიატრების მიერ დოკუმენტურად აღწერილია, შესწავლილია და დამტკიცებული. რომანის პირველი გამოცემა 2008 წელს მოხდა. გამომცემლობა „შემეცნება - სერია ცა“. მეორე გამოცემა კი 2012 წელს. გამომცემლობა „წიგნები ვაკეში“. რომანი „დემნა გედევანიშვილი“ საქართველოს წიგნის გამავრცელებელთა ასოციაციის მიერ 2012 წელს, წლის ბესტსელერად დასახელდა. რამდენადაც ვიცით ამ უნიკალურ ფაქტს, ადრე სხვა ჟურნალისტებიც იკვლევდნენ, მაგრამ ექიმებისა და უშუალოდ იმ პირების გადაწყვეტილებით, ვიზეც რომანმა ამხელა ზეგავლენა მოახდინა და თვითმკვლელობაზე ხელი ააღებინა, დეპრესიიდან გამოიყვანა და გამოაჯანმრთელა, საქმე ტაბუირებულია. აკრძალულია საჯარო სივრცეში ამაზე საუბარი. რადგან ფაქტი სცდება მხატვრული ლიტერატურის ყველანაირ საზღვარსა და ჩარჩოს და უკვე მართლაც სხვა სივრცეში გადადის, ვფიქრობთ ყველასთვის საინტერესო იქნებოდა ამაზე მეტი გვცოდნოდა, მაგრამ ფსიქიატრიას თავისი კანონები აქვს და ამ ამბის გაშუქება ჯერ შეუძლებელია. თავისთავად ამბავი უნიკალურია რამაა, როგორც მედიცინისთვის, ფსიქიატრიისთვის, ზოგადად მეცნიერებისთვის ისე მსოფლიო ლიტერატურისთვის, მსგავსი რამ იშვიათად ხდება, თუ ხდება საერთოდ და იმედს ვიტოვებთ დროთა განვმავლობაში უფრო მეტს გავიგებთ. ჩვენ ამ კონკრეტულ საკითხზე დეფის დავუკავშირდით. აი რა უთხრა მან ამ ყველაფერთან დაკავშირებით „ნიუპოსტს“: „დიახ ასეა, ფსიქიატრი დოქტორის თხოვნისა და არგუმენტირებული დასაბუთების შემდეგ, ასევე სხვა პირთა თხოვნისა და ასევე დასაბუთების შემდეგ, ადამიანებმა დამარწმუნეს და მეც ჯენტლმენური სიტყვა მივეცი, რომ ამაზე საჯაროდ არ ვილაპარაკებ. გული მწყდება რომ "დემნა გედევანიშვილი"-ს ასეთი უნიკალური ფენომენი არაა გაშუქებული და ადამიანებმა არ იციან თუ რა ქნა ამ რომანმა. ეს მეცნიერულად შესწავლილი ფაქტია და ადრე თუ გვიან ამას მაინც ყველა გაიგებს. როგორც ჩანს ჯერ დიდი დრო უნდა გავიდეს, რათა ამ ამბავზე თამამად ილაპარაკონ.“