„X ფაქტორი“ კიდევ ერთ სიურპრიზსს უმზადებს მაყურებელს, რომელიც დათო ფორჩხიძის სახელს უკავშირდება. მართალია ჯერ-ჯერობით ცნობილი არ არის რა იქნება მისი სტატუსი პროექტში თუმცა ცნობილია, რომ ქართული „ვოისის“ სამგზის გამარჯვებულმა მენტორმა ტელეკომპანია „იმედი“ დატოვა და „რუსთავი 2“-ის მეგაშოუ „X ფაქტორში“ გადაინაცვლა. როგორც „პრაიმ-ტაიმისთვის“ მიცემულ ინტერვიუში დათო ამბობს, მან საკუთარი თავი „იმედში“ ამოწურა და დიდი სიამოვნებით დათანხმდა ახალ წინადადებას.

„ნიუპოსტისთვის“ ცნობილი გახდა, რომ დათო „X ფაქტორის“ დღევანდელ ჩაწერაზე გამოჩნდება, რომელიც ეთერში მომავალ ორშაბათს გავა. ჩაანაცვლებს ის რომელიმე მენტორს თუ სხვა სტატუსით გამოჩნდება პოპულარულ პროექტში, ამას უკვე მაყურებელი მომავალ ორშაბათს შეიტყობს.