საზოგადოებრივი მაუწყებლის წარმომადგენელი, პროექტ „ევროვიზიის“ პროდიუსერი, ნათია უზნაძე სოციალურ ქსელში ფოტოს აქვეყნებს შემდეგი დასათაურებით - „წავედიით!“ მართალია ამის შესახებ ინფორმაცია ჯერ არ გავრცელებულა, თუმცა ფოტოს მიხედვით ირკვევა, რომ „ევროვიზია 2016-ის" ქართველი მონაწილეები სტოკჰოლმში უკვე გაემგზავრნენ. რიგით 61-ე ევროვიზიის კონკურსს შვედეთის დედაქალაქი მასპინძლობს. საქართველოს გარდა ფესტივალს 41 მონაწილე ეყოლება. ნიკა კოჩაროვი და ჯგუფი Young Georgian Lilitaz მეორე ნახევარფინალურ ტურში, მაყურებლის წინაშე მე-16 ნომრად წარსდგებიან. კონკურსის ნახევარფინალები 10 და 12 მაისს, ხოლო ფინალი 14 მაისს გაიმართება. რაც შეეხება ქართველი კონკურსანტების სასცენო ჩაცმულობას, დიზაინერმა მარიკა ქურდუბაძემ იზრუნა.