ტელეწამყვანი ნანუკა ჟორჟოლიანი „ნიუპოსტთან“ საუბრისას აცხადებს, რომ ხელისუფლება რუსთავი 2-თან დაკავშირებით გადაწყვეტილების მიღებას ჩქარობს, რადგან კრიტიკული მედია, „ქართულ ოცნებას“ წინასაარჩევნოდ ხელს უშლის:

„ყველაფერს აქვს თავისი ვადები და როდესაც ამ ვადების ხელოვნურად დაჩქარება ხდება, მაშინ როდესაც ჩვენ საკონსტიტუციო სასამართლოს ველით, რომლის შედეგადაც ეს ნორმები შეიძლება უბრალოდ გაუქმდეს, ბატონი მიდის ცუდი გზით, ერთი არჩევანია, რომ მან არჩევნები დამოუკიდებელი მედიის პირობებში ჩაატაროს, რაც შეაფერხებს დღევანდელი უმრავლესობის მოსვლას და მეორე, კიდევ უარესი მეთოდი, არ იარსებოს კრიტიკულმა მედიამ, რათა ვსაუბრობდეთ ყველაფერ კარგზე და იყოს ყველაფერი კარგად. ვფიქრობ, ხელისუფლებამ აირჩია უარესი გზა. თუმცა, დარწმუნებული ვარ, რომ რუსთავი 2-თან ბრძოლა მას არ გამოუვა“, - განაცხადა ჟორჟოლიანმა.

მისი თქმით, თუ მოსამართლე აცილებას მოახდენს, პროცესი სამართლებრივ ჩარჩოში ჩადგება, თუ ეს არ მოხდა გაგრძელდება მცდელობა საარცევნოდ რუსთავი 2-ის გაქრობისა.