ახალგაზრდა იურისტთა ასოციაცია და საერთაშორისო გამჭვირვალობა საქართველო ერთობლივ დოკუმენტს აქვეყნებენ. მესამე სექტორის მიერ წარდგენილ დოკუმენტშუ შეფასებულია გასულ წელს იუსტიციის უმაღლესი საბჭოს საქმიანობა.

არასამთავრობო ორგანიზაციები მოსამართლეთა შერჩევა-დანიშვნის პროცესში წარმოქმნილ დარღვევებზე წერენ. ანგარიშის პრეზენტაციას არასამთავრობო სექტორის წარმომადგენლები, იუსტიციის უმაღლესი საბჭოს წევრები და უზენაესი სასამართლოს თავმჯდომარე ესწრებიან.

"ვერ განხორციელდა პროცესის წარმართვა ისე, რომ საზოგადოებისთვის ყოფილიყო გასაგები, თუ რატომ ინიშნებოდნენ ესა თუ ის კანდიდატები მოსამართლის თანამდებობაზე, ან რატომ არ ინიშნებოდნენ სხვა კანდიდატები. მნიშვნელოვანი იყო დანიშვნის პროცესში ის სერიოზული ინტერესთა კონფლიქტი, რაც სახეზე იყო და რაც ვერ აიცილა საბჭომ თავიდან და ასევე ის, თუ როგორ არათანაბარ პირობებში ჩატარდა გასაუბრების პროცესი", - განაცხადა საქართველოს ახალგაზრდა იურისტთა ასოციაციის პროექტის კოორდინატორმა ეკატერინე ციმაკურიძემ.