"ამნისტია გამოვიდა და გამოდიან და გამოდიან მკვლელები"- ზუბატაშვილი შვილის მკვლელობის ხელახალ გამოძიებას ითხოვს

კრიმინალი - 18:10, 23 Apr, 2016

4268

ყოფილი დეპუტატი, ლაერტ ზუბადალაშვილი, მისი შვილის, ზურაბ ზუბადალაშვილის, მკვლელობის საქმესა და დედა-შვილ კვეზერელების მკვლელობაში ერთ-ერთი ბრალდებულის, გიორგი ყუფარაძის, კავშირის შესახებ პირველ კომენტარს კურიერთან აკეთებს.

ლაერტ ზუბადალაშვილი კურიერთან საუბრისას აცხადებს, რომ კითხვები მისი შვილის მკვლელობის საქმესთან დაკავშირებით შემსრულებლების ნაწილში ამ დრომდე რჩება. ყოფილი დეპუტატი ყვება, თუ როგორ ფიგურირებდა გიორგი ყუფარაძე მისი შვილის მკვლელობის საქმეში და ამბობს, რომ მისი შვილის მკვლელობა დაიგეგმა სამჯერ და ერთ-ერთ ნაწილში ფიგურირებდა სწორედ გიორგი ყუფარაძე.

ყოფილ დეპუტატისთვის გაუგებარია, თუ როგორ დატოვა 2013 წელს სასჯელაღსრულების დაწესებულება გიორგი ყუფარაძემ.

„ამ საქმეში მონაწილეობდა და შემკვეთი იყო, საუბედუროდ, ჩემი შვილის სიმამრი - ჩაჩუა. მათ ინტერესებში შედიოდა მისი მკვლელობა. ყუფარაძეზე იყო რაღაცეები, ბევრი რამე იყო საეჭვო. თუ მომიყვან ყუფარაძეს, თქვენს თვალს წინ შეიძლება, ტყვიაც ვესროლო. ყუფარაძე როგორ გამოვიდა გარეთ? აი, ამიტომ არის ქვეყანაში ამდენი დანაშაული. ამნისტია გამოვიდა და გამოდიან და გამოდიან მკვლელები და ათასი რჯულის დამნაშავეები,“ - ამბობს ზუბადალაშვილი.

ის კურიერთან გამოძიების ახლიდან დაწყების მოთხოვნით გამოდის.

წყარო: რუსთავი 2