ნანუკა ჟორჟოლიანმა საკუთარ გადაცემაში, საკუთარ ცხოვრებაზე გულახდილად ისაუბრა და ერთხელ და საბოლოოდ განმარტა თუ რა მოხდა მის პირად ცხოვრებაში და რატომ დაშორდნენ მეუღლეები ერთმანეთს.

„მეც თქვენთან ერთად გავიგე, რომ არსებობს გოგო მის ცხოვრებაში... ჩემთვის ყველა ქალი ვინც კი ამბობს, რომ მესამემ ოჯახი დაუნგრია, სუსტია. ასეთ ქალს უჭირს იმის აღიარება რომ თვითონ გამოეპარა რაღაც, თვითონ ვეღარ იყო ფორმაში პირდაპირი თუ არა პირდაპირი გაგებით. ფორმაში ყოფნას ვგულისხმობ, როდესაც ცხოვრების ხალისს ინარჩუნებ. როდესაც ყველაფერი მწყობრშია, იქ მესამე არ მოდის. ურთიერთობები ჯერ მთავრდება და მერე მოდის მესამე. „ოჯახი დამინგრია ვიღაცამ!“- ეს იმ ქალების მოგონილია, ვისაც არ შესწევს უნარი საკუთარი უუნარობა აღიაროს. ასეთი ქალი კი ცხოვრებაში ვერაფერს ვერ მიაღწევს. ძალიან ბევრი შეცდომა დავუშვი, წინააღმდეგ შემთხვევაში გამორიცხულია იქ რამე ბზარი გაჩენილიყო... შეცდომები ორივემ დავუშვით. ამ დროს მთავარია ვაღიაროთ, რომ რაღაც ისე არ მოხდა და ერთმანეთის ბედნიერებას ხელი არ შევუშალოთ... აუცილებლად იხილავთ ყურებამდე შეყვარებულ ნანუკას, რადგან მე თვითონ სიყვარულზე ვგიჟდები... არაფერი ახალი რთული არ არის და თუ გვინდა ქალებს, არ დავბერდეთ და სულ ახალგაზრდები ვიყოთ, ნებისმიერ სიახლეს კარი უნდა გავუღოთ“.