ზურაბ ჟვანიას სახელობის სახელმწიფო ადმინისტრირების სკოლის სერტიფიკატი

ზურაბ ჟვანიას სახელობის სახელმწიფო ადმინისტრირების სკოლის სერტიფიკატი - საჯარო მოხელეებს

საზოგადოება - 14:17, 20 Apr, 2016

2902

საქართველოს განათლებისა და მეცნიერების სამინისტროს სსიპ ზურაბ ჟვანიას სახელობის სახელმწიფო ადმინისტრირების სკოლა სერთიფიკატებს გადასცემს საჯარო მმართველობისა და ადმინისტრირების პროგრამის, დარგობრივი კურსების 2016 წლის პირველი ნაკადის კურსდამთავრებულებს.

ღონისძიება გაიმართება, შაბათს, 24 აპრილს, 12:00 საათზე. ზურაბ ჟვანიას სახელობის სახელმწიფო ადმინისტრირების სკოლის სერტიფიკატები გადაეცემა შემდეგი დარგობრივი კურსების მსმენელებს: საჯარო ორგანიზაციების მართვა; ადამიანური რესურსების მართვა და საქმისწარმოება, საჯარო ფინანსების მართვა და შიდა აუდიტი, სახელმწიფო შესყიდვები; საზოგადოებასთან ურთიერთობა და კომუნიკაცია.

სერტიფიკატი გადაეცემა 43 საჯარო მოხელეს, რომლებიც წარმოდგენილნი არიან საქართველოს ეთნიკური უმცირესობებით კომპაქტურად დასახლებული მაღალმთიანი რეგიონებიდან.

სსიპ ზურაბ ჟვანიას სახელობის სახელმწიფო ადმინისტრირების სკოლა აღნიშნულ ღონიძიებაზე იწვევს განათლებისა და მეცნიერების მინისტრს - თამარ სანიკიძეს, სამინისტროს სხვა წარმომადგენლებთან ერთად. ასევე, ქუთაისის ადგილობრივი ხელისუფლების წარმომადგენლებს.

სსიპ ზურაბ ჟვანიას სახელობის სახელმწიფო ადმინისტრირების სკოლა 2005 წელს დაარსდა. სკოლაში საჯარო მოხელეთა გადამზადება ხორციელდება შემდეგი პროგრამების ფარგლებში: ,,საჯარო მმართველობა და ადმინისტრირება“, ,,სახელმწიფო ენის სწავლების პროგრამა” და ,,კომპიუტერული ტექნოლოგიების შემსწავლელი საბაზისო პროგრამა“.

სკოლა განსაკუთრებულ ყურადღებას უთმობს ეთნიკური უმცირესობების წარმომადგენლებს და სპეციალური საგანმანათლებლო პროგრამებით ხელს უწყობს მათ სამოქალაქო ინტეგრაციას.