ამიერიდან, რუსთაველებისთვის რემონტი უფრო მარტივია! 14 აპრილს, რუსთავში პირველი სამშენებლო და სარემონტო მარკეტი ,,ბაუმარკეტი“ გაიხსნა. ლენტის გაჭრაში ქალაქ რუსთავის საკრებულოს თავმჯდომარემ, დავით მაღლაკელიძემ და კომპანიის დირექტორმა ნოდარ გიორგობიანმა მიიღეს მონაწილეობა.

მარკეტი ლეონიძის 12-ში მდებარეობს და რუსთავსა და მის შემოგარენში მცხოვრებ მომხმარებელს 15 000-ზე მეტი დასახელების პროდუქტს სთავაზობს.

,,ბაუმარკეტი“ გერმანულ პლატფორმაზეა აგებული და 1828 წელს დაარსებული გერმანული მაღაზიათა ქსელის ქართულ ანალოგს წარმოადგენს. მომხმარებლის კმაყოფილება ჩვენთვის ერთ-ერთი მნიშვნელოვანი ღირებულებაა. კვალიფიციური პერსონალის კონსულტაცია საშუალებას მოგცემთ გაერკვეთ პროდუქციის თავისებურებებში და გააკეთოთ გააზრებული არჩევანი. ჩვენ ღია ვართ ყველასთვის, ვისაც სურს შექმნას ახალი ან განაახლოს ძველი.“ - აცხადებენ კომპანიაში.

ბაუმარკეტი 2000-მდე კვადრატულ მეტრ ფართობზეა განთავსებული და მომხმარებელს საშუალებას აძლევს ხელმისაწვდომ ფასად, ქალაქიდან გაუსვლელად, რემონტისთვის საჭირო ყველა პროდუქტი შეიძინოს. მარკეტი ორ ზონას მოიცავს: შენობის პირველ სართულზე განლაგებულია სამშენებლო და სარემონტო მასალები, მეორე სართულზე კი შერეული პროდუქციაა წარმოდგენილი: სარემონტო ხელსაწყოები, ელექტროობა, სამზარეულოს აქსესუარები, საყოფაცხოვრებო ნივთები, ეზოსა და ბაღის მოვლისთვის საჭირო ინვენტარი. ყველაფერი ამის შეძენა კი ბაუმარკეტის მომხმარებელს 0 % იანი განვადებითაც შეუძლია. ხოლო თუ შენაძენი 750 ლარს ასცდება მოქმედებს უფასო მიტანის სერვისიც. შენობაში განთავსებულია მაღაზიათა ქსელი «ქებული კლიმატის» ფილიალი, სადაც შესაძლებელია გათბობისა და გაგრილების თანამედროვე სისტემების შეძენა. საცხოვრებელი, კომერციული თუ სამრეწველო ფართებისთვის «ქებული კლიმატი» თავის მომხმარებელს ენერგოეფექტურ გაგრილების გათბობის, წყალომარაგებისა და ვენტილაციის ენერგოეფექტურ სისტემებს სთავაზობს.

ბაუმარკეტი რუსთავში ლეონიძის 12 ნომერში მდებარეობს ე.წ. სტამბულის ბაზრის მიმდებარედ და რუსთავის მოსახლეობას სამშენებლო და სარემონტო მასალების შეძენა შეუძლიათ ყოველდღე დილის 9 საათიდან საღამოს 7 საათამდე.