თბილისის სახელმწიფო უნივერსიტეტის რექტორის მოვალეობის შემსრულებლის თანამდებობაზე განაცხადი შვიდმა კანდიდატმა შეიტანა.

თსუ-ს საზოგადოებასთან ურთიერთობის სამსახურში განაცხადეს, რომ საარჩევნო კომისიამ უკვე დაარეგისტრირა ორი კანდიდატი: ცირა ბარამიძე და ლევან გორდეზიანი, ხოლო ორი კანდიდატი, მერაბ ელიაშვილი და ინესა მერაბიშვილი რეგისტრაციიდან ასაკის გამო მოიხსნენ.

როგორც ირკვევა, ასევე სამმა კანდიდატმა - დარეჯან თვალთვაძემ, ალექსანდრე ჩხიტაურმა და გიორგი ანდრიაძემ განაცხადი დღეს შეიტანეს. აქედან გამომდინარე, საარჩევნო კომისია მათი რეგისტრაციაში გატარების თაობაზე ხვალ იმსჯელებს.

შეგახსენებთ, რომ აღნიშნული პროცედურის დასრულების შემდეგ არჩევნები დაინიშნება.