სსიპ ზურაბ ჟვანიას სახელობის სახელმწიფო ადმინისტირების სკოლა ქართველ ერს ქართული ენის დღეს ულოცავს

საზოგადოება - 15:06, 14 Apr, 2016

2285

საქართველოს განათლებისა და მეცნიერების სამინისტროს სსიპ ზურაბ ჟვანიას სახელობის სახელმწიფო ადმინისტირების სკოლა სრულიად საქართველოს და ქართველ ერს ულოცავს ქართული ენის დღეს:

,,14 აპრილს საქართველოში ქართული ენის დღე აღინიშნება. ,,საქართველოს სახელმწიფო ენა არის ქართული ენა“. ქართულ ენაზე 5 მილიონზე მეტი ადამიანი ლაპარაკობს.

ზურაბ ჟვანიას სახელობის სახელმწიფო ადმინისტირების სკოლა უკვე წლებია ახორციელებს სახელმწიფო ენის სწავლების პროგრამას საქართველოს ეთნიკური უმცირესობებით კომპაქტურად დასახლებულ რეგიონებში.

პროგრამა სრულად ფინანსდება სახელმწიფოს მიერ და მასში ჩართვა შეუძლია ნებისმიერ დაინტერესებულ პირს, ვისაც სურვილი აქვს შეისწავლოს ან გაიღრმაოს ცოდნა ამ მიმართულებით.

სახელმწიფო ენის სწავლების პროგრამა ხორციელდება 8 რეგიონულ სასწავლო ცენტრსა (მარნეული, გარდაბანი, ლამბალო, ბოლნისი, დმანისი, წალკა, ახალქალაქი, ნინოწმინდა) და სხვადასხვა სოფლებში( მობილური ჯგუფები).

სახელმწიფო ენის სწავლების პროგრამა გაწერილია მეორე ენის სწავლების სტანდარტებთან სრულ შესაბამისობაში და მოიცავს სამ საფეხურს: A1, A2 B1 დონეებს. სწავლების წარმატებით დასრულების შემდეგ კურსდამთავებული იღებს შესაბამისი დონის დამადასტურებელ სერტიფიკატს.

2014-2015 წლებში სახელმწიფო ენის სწავლების პროგრამით ისარგებლა 2700-მა ბენეფიციარმა, დონის დამადასტურებელი სერტიფიკატი მიიღო 1638-მა.

სახელმწიფო ენის სწავლების პროგრამის განხორციელებით სკოლა ეთნიკური უმცირესოებების წარმომადგენლებს საშუალებას აძლევს შეისწავლონ სახელმწიფო ენა, შეძლონ თვითრეალიზება, სახელმწიფოებრივ სივრცეში ინტეგრირება და ქვეყნის განვითარებაში საკუთარი წვლილის შეტანა“.