სიცილისა და პოზიტივის კარნავალი თბილისში

კულტურა - 15:46, 13 Apr, 2016

2397

მაისში მსოფლიო სიცილის დღეს აღნიშნავს. გასულ წელს ჟურნალისტების ინიციატივით ამ საერთაშორისო დღეს საქართველოც შეუერთდა. სიცილის დღე 3 მაისს თბილისში, რუსთაველის გამზირზე კოსტიუმირებული, საკარნავალო მსვლელობით აღინიშნა. კარნავალი ამჯერად 15 მაისს, 14:00 საათზე კვლავ რუსთაველის გამზირზე გაიმართება.

კარნავალის მიზანი:

ჩვენი მიზანია ქვეყანაში არსებული ნეგატიური ფონის განმუხტვა პოზიტივით და დადებითი ემოციებისა და სიხარულის გავრცელება. რაც დღეს საქართველოში მცხოვრებ თითოეულ ადამიანს სჭირდება. ამიტომ „სიცილისა და პოზიტივის“ კარნავალის ორგანიზატორებმა გადავწყვიტეთ, ამ დღესასწაულს უფრო მაშტაბური სახე მიეცეს.

კარნავალის მონაწილეები:

სიცილის კარნავალზე იხილავთ - ჯამბაზებს, ზღაპრის გმირებს, მუსიკოსებსა(6 კაციანი ბენდი) და საკარნავალოდ გამოწყობილ ხალხს. ასევე „სიცილის ავტობუსებს“, პოზიტივებით, რომლებიც სიცილის სანაცვლოდ ტკბილეულით გაუმასპინძლდებიან მგზავრებს.

სპეციალურად ამ დღისთვის საქართველოში ინდოეთიდან ჩამოდის სიცილის მსოფლიო ლიდერი - მაგნო შავდია, რომელიც ხალხის განწყობაზე იზრუნებს.

კარნავალს შეუერთდნენ სხვადასხვა სკოლები, უნივერსიტეტები, ცნობილი შოუმენები... მედია საშუალებები, მზადდება სპეციალური ონლაინ-გადაცემები...

თეატრალური უნივერსიტეტის ახალგაზრდა რეჟისორები და მსახიობები დღესასწაულს გაალამაზებენ სხვადსხვა საკარნავალო წარმოდგენებით.

დაიწყო სიცილით გამოწვევა ვიდეო რგოლის სახით: სკოლების, უნივესიტეტების, რადიოების, ტელევიზიების, ცნობილი თუ უცნობი სახეების ...

ამ დღეს ფულს სიცილი ჩაანაცვლებს

ადამიანებს გახალისებასთან ერთად საშუალება ექნებათ სიცილით შეიძინონ ტკბილეული, გამაგრილებელი სასმელები, საკარნავალო აქსესუარები, ბავშვებმა - სათამაშოები. რუსთაველის გამზირზე მოეწყობა „სიცილის მინი ბაზრობა“, სადაც სიცილზე „გაიყიდება“ მხარდამჭერი კომპანიების მიერ მოწოდებული პოდუქცია. გასულ წელს ამ აქცია-დღესასწაულმა ბევრი გაახარა. წელს გვინდა, რომ ამ სიხარულის გამზიარებელი უფრო მეტი ადამიანი იყოს და „სიცილისა და პოზიტივის კარნავალი“ სახალხო ზეიმად ვაქციოთ.

აქედან გამომდინარე სასიხარულო იქნება ის ფაქტი, თუ გახდებით ჩვენი მხარდამჭერები. რადგან თქვენი თანადგომა ხალხისთვის უფრო მეტის გაკეთების საშუალებას მოგვცემს.

ჩვენი მხარმდამჭერები არიან:

საინფორმაციო სააგენტო „ნიუპოსტი“

საინფორმაციო ანალიტიკური პორტალი „კვირა“

გაზეთი „პრაიმტაიმი“

საინფორმაციო სააგენტო „პირველი ინფო“

ინტერნეტ-ჟურნალი „ჟოლო“,

საინფორმაციო სააგენტო „ფოსტალიონი“

სპორტული რადიო Jako

გია ჯაჯანიძის „სხვა რაკურსი“

სატელევიზიო არხი Miusic Box

პატივისცემით სიცილისა და პოზიტივის კარნავალის ორგანიზატორები

საკონტაქტო პირი დეა თავბერიძე, რუსუდან ოსიყმაშვილი